صور و اسعار جيلي Geely EC7 – 2013

بصراحه عن ec7 انا ما عندي خبره فيها لكن ec8 عندي وحده قير عادي بقولكم مميزاتها اول شي المكيف بارد يعني تمام نفس اي سياره غيرها كامري او غيره من ناحيه الرساوه فهي راسيه لابعد الحدود ومن ناحيه الشكل والديكور فانتم تشوفون
اما من ناحية المكينه فانا بتقديراتي انها بعد 50 الف كيلو يعني بترميها في الزباله
هذا شي الشي الثاني قوه الحصان 100 بغض النظر عن قوة المكينه الي هي 2000 سي سي ثالث شي والي انا كاره فيه السياره عيون القطط الي في الاسفلت هذي اذا مشيت فيها تحس انك راكب حصان موب سياره رابع شي مكان ومواعيد الصيانه واسلوب الموظفين غير لائق ومواعيدهم بالاسابيع والشهور في الصيانه الدورية للحفاظ على الضمان وبكل امانه انا سئلت واحد في الصيانه شغال فيها قالي ترا الي باعوك السياره ياخذون 1000 ريال على كل سياره يبيعها وتراهم نصابين ويقول اذا تسمع نصيحتي بع اليوم قبل بكره قال احسن لك تشتري ب 50 الف فورد او اي سياره تدوم معك وقال ترا كل الناس يشتكون منها
وفي النهايه والي متعبني في السياره عزمها يعني هههه تدعي ربك اذا قامت في الثاني يعني بالاول وبتقول الحمد لله يعني عزم طايح واخيرا وليس اخرا تشويش في الراديو وو الطبلون حق السياره رايح فيها مدري عن 2014 اذا زينوه او لا الزبده انا بغت توقف علي السياره من امبير البنزين يجيب لي في النص وبعدها ب 5 دقايق القاه فاضي ومن ناحية البنزين اعبي فل احمر ب 40 ريال ووعلى فكره الطبلون مكتوب السرعه 240 اتوقع سرعتها الاصليه 180 كحد اقصى هذا والسلام
في اعتباري افض لك رح واشتر لك الينترا 2014 اذا ناوي على سياره تدوم
يعني الالنترا في المعارض اصفار بتلقاها في 55 او 60 الف والله اعلم
يعني زود لك كم الف وترتاح نفسيا في الاخير لايغرك يقوولون حمايه 5 نجوم لكن المشكله في المكينه هذي في 2013 و2014 انا ما ادري عنها وولا يغرك جذب البائع لانه هو المستفيد واصلا ما حطوه في مكانه الا على شان يجذبك طبعا يا اخوه هذا في ec8 2013 قير عادي ستاندر مادري عن الفل يقوولون المكينه اقوى لكن اتوقع نفس الكلام في الاخيرر انا نصحتك من ناحيتي لا تقربها والسياره ابو كلب يعني مهب زينه هذا والسلام والمعذره لاني طولت عليكم بااي