أفضل قصائد الشاعر محمد بن فطيس

الشاعر محمد بن فطيس هو من أشهر الشعراء في قطر والذي ذاع سيطه بعد فوزه في مسابقة شاعر المليون عام 2007م وكان بذلك أول متسابق يلقب بشاعر المليون، كما لقب أيضا بالمحيط الهادئ من قبل عضو لجنة التحكيم حمد السعيد، وقد بدأ الشاعر محمد بن فطيس مشواره في الشعر منذ عام 2001 حيث شارك في عدد من مهرجانات الخليج والدول العربية ومن أبرزها مهرجان الدوحة الثقافي ومهرجان الخالدية في الأردن ومهرجان حائل ومعرض الفروسية، كما شارك أيضا في أمسيات ليالي فبراير وملتقى الشعر النبطي بدبي، وأكثر ما اشتهر به شاعرنا بعد فوزه بالجائزة أعلن التبرع بالجائزة والتي قدرها مليون درهم مناصفة بين ذوي الاحتياجات الخاصة بقطر وبين أطفال فلسطين، وقد تميزت شخصية الشاعر محمد بن فطيس بالهدوء مما جعل له شعبية كبيرة إضافة إلى موهبته الفطرية، وقد ظهر ذلك على قصائده الرائعة التي نعرضها في هذا المقال.

ياهيه
ياهيه إلتفت لي وإسمع دعاي لك يـا هيـه
ترى عادتك تشبـع مـن البعـد واتواجـه
دعيتك بصوتٍ ياصلـك ليـه مـا توحيـه
وأنا أسمع ضلوعك من صدى الصوت لجاجه
عليـك الفـؤاد إخلاجـه مصمـخ راعيـه
خف الله في راعيـه مـا تسمـع إخلاجـه
ترى العفو قد جـاك أولـه وإغتنـم تاليـه
وترى الحلم بحرٍ غيـر لا تامـن أمواجـه
وترى الـود ليـلٍ مظلـمٍ جيت لـك ساريـه
سراجه وصالـك والجفـا ينفـخ سراجـه
وترى قصرنا اللي كم سنة نجمـع ونبنيـه
هوى العذل طيـح بابـه العـود وسياجـه
لي أيام مـدري ويـن دارك ولا أدري ليـه
وأنا خابـر إنـي بـاب شفـك ومزلاجـه
غيـابٍ بـلا سبـة هجـادٍ بــلا تنبـيـه
وجفا أغلى العرب نارٍ على الكبـد وهاجـة
نضج قلبي من البعـد وش حاجتـك تكويـه
جفاك الجمر والصبر فـي بعـدك الصاجـه
وطبع حبـك بقلبـي والأيـام مـا تمحيـه
هـذا هجـرك يحـاول يموجـه ولا ماجـه
يموت الأمـل لكـن ظنـون الغـلا تحييـه
وعروق الوفـا فالـروح والقلـب وجاجـة

خبرتوا حدٍ يبكـي علـى واحـدٍ يبكيـه؟؟!!
وخبرتوا حدٍ مسجون ما يبقـي إفراجـه؟؟!!
أحبـه ولا أبغضتـه علـى شـيٍ يسويـه
ولا زالـت رقـاب الرجـا فيـه منعـاجـة
عسى منزلٍ ضمه حقـوق الوسـم تسقيـه
وتضحك له الدنيا وهـو يضحـك حجاجـه
فقد خاطـري شـي مـن الضيقـة مسليـه
وغد روحي من النـاس والليـل هجاجـة
أروح لمكـانٍ خابـره .. خابـره ياتـيـه
أسوق القدم صوبـه وهـي مالهـا حاجـة
مكـانٍ نزيـه وأول مواجهـي لـه فـيـه
وأنـا خابـرٍ مـا رجـل مثلـه بـدواجـة
لعل وعسـى مـا حدنـي للمجـي يدعيـه
وأشوفه وأنـا مـا ودي أسبـب إحراجـه
يحب الجريح آخـر دروب اللقـى ويجيـه
وتحـب القـدم جيـة مكـان أول مواجـه

ســـولفـــــوا
سولفوا تكفون لا عاد تسكتون ..
.. قبل لا أهوجس وياتيني بلاي
السكات يزود طعوني طعون ..
.. وتنكسر لا جا على راسي عصاي
سولفوا لو ما بغيتوا اتسولفون ..
.. قبل لا اقعد في الحزن رايح .. وجاي
واضحكوا لو بالعماله تضحكون ..
.. وجاملوني لو يضايقكم حكاي
لي وليفٍ راح جعله ما يهون ..
.. هو دواي وداي .. أو داي ودواي
راح لكن طيف زوله في العيون ..
.. مرةٍ قدامي ومرة وراي
وإن سكتوا جا وهو طيفه يمون ..
.. رحت أهوجس له وأبين له ولاي

مكسب عيوني من الفرقا مزووون ..
.. تمطر لطاريه .. والبرق ؟ أصدقاي
كل ما طروه لو هم يمزحون ..
.. احرموني من غداي ومن عشاي
أدري إنه ما تناسى الود كون ..
.. تسمع إذنه في قفاي اللسن عداي
وكانهم قالوا نسيته يكذبون ..
.. وإلا أنا فيه أمتلك نظرة وراي
كان حبه لي على خبري مصون ..
.. والله ان كني بقدري .. وبغلاي
ذي بقايا الحب وأطلال الجنون ..
.. والله أعلم في ضميره وش بقاي
غير طيعوني ولا عاد تسكتون ..
.. ولا والله إن أسمعكم بكاااي

يا قـــو قلــــبـــك
ياقو قلبك على الصّـده ويـا صُــــــبـرك
وياوسع صدري على صدك ويا صُبري
وياطول عمـرك بذاكـــــــرتـي وياكُبـرك
وياشيب عيني بشيّب عــــاد ذا كــــُبـري
والله لون حمل صبري فوقـك..ان تبرك
والله ولو تعتذر منـت بعلـى خــــــــبـري
ان ما جبرك الغلا ما اقدر على جـــبـرك
ياللي على ارض الوفـا ما شبرك بشبري
تـــزعل وترجع وتـلقانـي عــــلـى خبـرك
وانا انكسر لك واجـــــيـك ادوّر لــجبـري
طـــيفك وذكــــراك طـيلـة غيبتـــك سبـرك
وشـــــوقي لشوفتك طيلة غيبتـك سبـري
امـــــحق وليف ومحبه والا اقــول ابـرك
حسبي عليك اعشقك وانت اتحفر قــبري

لا ضاقت الدنيـــا
لا ضاقت الدنيا عليك وتشاويت ..
.. خلق الله اللي فالرخا كان واجد
ومن العرب والصوت والثوب مليت ..
.. وقامت عليك هموم بأقعا تراجد
فارفع يديك لخالقك لا توضيت ..
.. وادعو تراك أقرب إليا صرت ساجد
ووقت من أوقاتك للأوقات توقيت ..
.. وسجل لنفسك في المساجد تواجد
وأبشر بفزعة حامي الدين والبيت ..
.. إليا هجدك من الهواجيس هاجد
اللي يميت الحي ثم يحيي الميت ..
.. لرضاه شف كثر البشر بالمساجد

الــبـارحـــة
البارحة ربي كتب لي ومريت ..
..دربٍ عليه بروق الأحباب لاحت
جيت المكان اللي جمعنا وخفيت ..
.. وقامت جروحي للجوارح وصاحت
ياليتني في لفة الدرب زليت ..
.. كان العيون من الدموع استباحت
التم غيم الدمع من يوم لفيت ..
.. وورقا القصيد لشوفة الغيم ناحت
وضحكت ماأبغي الناس تدري يبالفيت ..
.. لكنها غصبٍ على العين ساحت
حارت دموعي في عيوني وصديت ..
.. وأرمشت مابيها تبين .. وطاحت
وعقبه برق في العين براق .. واسقيت ..
.. خدي ووناتي بصدري تلاحت
وأنا أحسب إني في فراقه تشافيت ..
.. وان عبرتي من مدخل الزاد زاحت
اللي يحسب إني على البعد سجيت ..
.. والا ان عيوني للرقاد استباحت
ياليتني من قبل لا أحبه اقفيت ..
.. والا ان دروبي عن دروبه تناحت
أهون علي من البكا والتناهيت ..
.. وأشلا من سدودٍ على الناس باحت
عرفت كيف الحي يفرق عن الميت ..
.. وعرفت قيمة نعمتي يوم راحت
قولوله اني عقب بعده تدانيت ..
.. ورجلي عن دروب المعافين شاحت
البعد نار وطاعة العذل كبريت ..
.. يقصر على بعده .. ترى الكبد فاحت

تالي عصير
الضيقة اللي دايمٍ تالي عصير ..
.. وش حيلتي وأردها لا تجيني
لا طال ظل العود حزة عشى الطير ..
.. كنها على سجن الحديد تحديني
يضيق صدري كل ما جات وأسير ..
.. ولايخفف سوج رجلي حنيني
لا حولنا مشراف ولا اقدر اطير ..
.. يالله قمسة خير لا تبتليني
وعقارب الساعة توقف عن السير ..
.. ولاكن في الدوحة سواتي حزيني
والعبره اللي تاصل الحلق وتحير ..
.. يا قربها لو قيل لي يا عويني
أمل شوف الناس ورد ومصادير ..
.. واللي يقول اشفيك كنه يهجيني
يعني على ما قيل من باب تصوير ..
.. (لاحدٍ أبي قربه ولا أحدٍ يبيني)

أروح أدور خط مابه دواوير ..
.. وأدور اللي هادها تهتديني
وآخذ مع الهاجوس سجة وتفكير ..
.. وأراجع اللي فات بيني وبيني
وأحسب ذنوبي وأدور التكفير ..
.. عساي ما قصرت في والديني
وعساي ما قارنت من ينفخ الكير ..
.. واللي يحمل المسك جعله قريني
ويطري علي يوم الحشر وأطلب مجير ..
.. ما أعطى كتابي في شقيقة يميني
ويطري علي صدقان كثر الدنانير ..
.. اللي اتعاديني إلا كثر ديني
وراعي الهروج اللي سوات المناشير ..
.. أصد عنه وأدري انه يعنيني
الله حسيبه يوم عرض القواوير ..
.. والله حسبي من صواب مكيني
وإلا طرالي واحد كانه اصغير ..
.. أم أصغر بيومين ولا سنيني
دريت وش قومي وعينت تفسير ..
.. للضيقة اللي من زمن تعتليني
حبه بصدري سالفة سر في بير ..
.. وكن الفواد يقول هذا زبيني
أشفق على علمٍ يجي منه من غير ..
.. لايسمع اللي سولفوا به ونيني
يا كثرهم غيرهم ولكن خبر خير ..
.. ما غير شوفه في الوجود يهنيني
رايي كذا يا عاشقين الغنادير ..
.. ماله على وجه البسيطه وزيني
العام أجيهم من حساب المسايير ..
.. واليوم حال عداي وينه وويني
خطاي تعليق الأمل في المدابير ..
.. الين راح وشفت حقري بعيني
صبرٍ جميل وخابر إنه مقادير ..
.. والله على تخفيف حزني عويني

ذي حالتي لين اتغبا الشمس واصير ..
.. معطى سراحي عقب مانا سجيني
واذا امتلى جوف الشجر بالعصافير ..
.. طلبت من رب العباد يهديني
يعتقني المذن عقب ضيقة عصير ..
.. اللي على سجن الفراق اتحديني

الحب مثل النوم
الحب مثل النوم .. والوصل .. الاحلام..
.. والشيين من الاحلام..صـد المحبييـن
نوم ٍ طويل ٍ عمره اشهـوور واعـواام ..
.. وان قمت.. ففهمها فرااق وسهر عيـن
وانا رقدت وعمري اربع عشـر عـام ..
.. وصحيت في شهر اربعه عام الالفيـن
نـوم ٍ ثقيـل ٍ كلـه احـلام واوهـاام ..
.. ونصيبي من احلامـه الجانـب الشيـن
صحى الفرااق اقلوب في عكسه..نيـام ..
.. وغاب الفرح وانا بعكسه الـى اللحيـن
ياحزن كبدي حزن من ضاق ثـم حـام ..
.. اخذت فروخه مـادرى ليـه ولويـن؟
بعد ما شاف العـش عيـدان وعظـام ..
.. خاالي..تفكر فووق ويسـاار.. ويميـن
خلا عشاها فيه ومـن الوطـى شـاام ..
.. زبن علـى روحـه وفـل الجناحيـن
وياوجد حالي وجد مـن نـام ثـم قـام ..
.. على صياح امـه وهـو دون رجليـن
عويـق وامـه تنعتـه والنعـت سـام ..
.. وهو خابر انه يقسـم الصـف صفيـن

حبا وصاح بصيحـة ٍ تاصـل الشـام ..
.. منهـا تقطّـع فـي خفوقـه شراييـن
على وليـف ٍ قسـم اظنونـي اقسـام ..
.. واقفى وانا ما اعـرف طـرد المقفيـن
راح وترك في صدري ووسووم واعلام ..
.. وصـى علـي طيفـه وقفـى بقلبيـن
ليتـه تعـذّر كـان مـاهـو بـمّـلام ..
.. بعد ماشـااف الـدرب بيسيـر دربيـن
اشوى عليه شوي..مـن عـظ الابهـام ..
.. واشوى علي شوي..من دمعـة البيـن
تمشـي بنـا الاقـدام والمـوت قـدام ..
.. وميعادنـا يمفـرق اثنـيـن بعـديـن
ياعيـن لا تبكـيـن وعيـونـه تـنـام ..
.. عادش الى ما خـاب ظنـي بترضيـن
لـو الدمـوع اتفيـد فـادن الايـتـام ..
.. ولـو الكـلام يفيـد عـادت فلسطيـن
ولـو النبـاات يطّلعـه دمعـة هيـام؟..
.. شفتوا علـى وجهـي ورود وبساتيـن
الحب سجن..وبعد الاحبـاب الاعـدام ..
.. وقلوبنـا السجّـان مـدري مساجـيـن
الحب نوم ٍ عمـره اشهـوور واعـوام ..
.. وان قمت ففهمها فرااق وسهـر عيـن

قد عطيتك
قد عطيتك وانـت ماضنـك لئيـم ..
.. والنصيـحـه لليـالـي تـذكـره
لاتحرك جرحـي الماضـي الاليـم ..
.. ولاتحسب ان طول بعـدك طهـره
كل جرح يهـون يالجـرح القديـم ..
.. وكل شي قد مضـا معـك اذكـره

جرحي وذكـراك والليـل البهيـم ..
.. حـزت فـوادي بمثـل المنشـره
العذول غراب وانا اكبـر غشيـم ..
.. والجروح الماء وطاريـك حجـره
والزمان اكرم من الحـظ الكريـم ..
.. لانفتح لي بـاب صوبـك سكـره
وحبك اللي لاطرى لي رحت اهيـم ..
.. قمت احسب اصغر كلامك واكبـره
ليتنـي عـاد الهـوا تـوه فطيـم ..
.. انعذلـت لعاذلـي بـس خـيـره
مالقيت من الوفـاء يـااول نديـم ..
.. كن صدق الحزن وجهه وظهـره
عقب رمح الشوق في وجه الصميم ..
.. سيف هجرك في قفاه وشف ثـره
وانت شكلك تحسبنـي فـي نعيـم ..
.. لنـي اخبـي صوابـي واستـره
لايغـرك حلـم رجــال حلـيـم ..
.. مهون اللي مـن سكوتـه فجـره
ولاتحسب الجفن من دمعه عقيـم ..
.. يستحي منك والى اقفيـت انثـره
ولايغرك وان بدا جسمـي سليـم ..
.. والله ان جسمي سـوار المقبـره
والله ان امر من ضحـك الغريـم ..
.. شوف حقي بين اياديـه اشكـره
والله ان احر مـن دمـع اليتيـم ..
.. دمعة الرجـال مـن فرقـا مـره

ياسارق قلبي
يا سارق(ن) قلبي اتتك جوارحي
طوع(ن) بلا امرٍ ولا استئذانـي
فأنـا الـذي اهملتـه وتركـتـه
كنز(ن) للص هواك حين اتانـي
فأرفق به مادمـت تملـك امـره
واحفظه حفـظ الصـدر لرئتانـي
واذا لقيتـك فأغنيـه دقائـق(ن)
ليجـدد الحـب بـه شريـانـي
فإذا قضيت فخذه مني راضي(ن)
سبحـان ممـن دونـهِ احيانـي
واذا لقيتك لا تسل عـن حالتـي
فملامحي بالشـوق خيـر بيانـي
للدمع والليـل الطويـل تركتنـي
وتقول لي فالبعـد مـا اضنانـي
عجبأ لأمرك كيف عن حالتي تسلا
و لم تكن في الهجر من اردانـي
عجبأ لأمر العاشقيـن لمـا ارى
لا يكره المجنـي عليـه الجانـي
دع عنك ماقد فات واسمع مايلـي
فالعمر مهما طـال طـولٍ فانـي
داوي المسامع بالكـلام وداونـي
بالوصـل ان فراقنـا اعيـانـي
في ليلةٍ قمريةٍ كي احلـف انـي
رأيــت بلـيـلـةٍ قـمـرانـي
واسمع عيونـي كلمـا لاقيتنـي
فأنـا عيونـي باللقـاء لسانـي

الوسوم :

شارك المقال في صفحاتك

معلومات الكاتب

Avatar

يوما ما ستمطر السماء أمانينا

أكتب تعليق

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *