أفضل قصائد الشاعر سلطان الهاجري

رحلة سوف نذهب إليها سويا في عالم الشعر الجميل خاصة عندما يكون لشاعر متميز ورائع ، هو الشاعر السعودي الرائع و المتميز سلطان بن وسام الهاجري والملقب بسلطان الهاجري ، واحد من أفضل الشعراء العرب والسعودية في المحاورة المعاصرين وكذلك شعر النظم ، تميز هذا الشاعر بعبقريته المتميزة في كتابة الشعر ، برز نجمه بداية في الكويت عام 1410هـ ، نال احترام جميع الشعراء ومحبي الشعر في كافة الأجيال التي عاصرت وجود الشاعر المحترم سلطان الهاجري ، تعرض هذا الشاعر إلى حادث أليم بالرياض ولكن رعاية الله عز وجل حفظته بعد معاناة طويلة من هذا الحادث الأليم ، تعالوا بنا نتعرف على أفضل ما قام هذا الكاتب بكتابته من شعر راقي سوف نتعرف عليه خلال السطور التالية .

قصيدة يا الحنون العود
يا لحون العود وإلا يا مجارير الربابه
إختلف معنى القصيد وضيع الفنان فنه
حلم مدري علم مدري نوض برق في سحابه
أثرها طلة جبينه يوم زاح الليل منه
أقبلت مثل الفرس لا سمعت طبول الحرابه
مقتفيها ليل أسود والنجوم يفرقنه
النهار يمر ويعدي وليله في عقابه
النحر صبح تجلى والجدايل كنهنه
مخمل يلتف فوق الجيد الأتلع بالنيابه
عن سلاسيل الذهب والماس خوف يجرحنه
غاب عني والوله خلاه عندي في غيابه
مادرى ان فرقاه نار ولا درى ان لاماه جنه
يا وجودي وجد من صفق على ماضي شبابه
بان شيبه والسنين اللي يبيهن خالفنه
غرته خضر السنين وراح عمره مادري به
غررنه وارفعنه لين سج وحولنه
ويا وجودي وجد عود لا عيال ولا قرابة
ما جداه إلا يون ويردف الونه بونه
مالقى فزعة رفيق ولا دعاة مستجابة
كل ما امسا له بظن خيبت الايام ظنه
هذا وجدي في غياب اللي نزح والله جابه
صح فرض الله فرض وسنة المرسول سنه
الغلا جسم رقيق ومرهف إحساسي ثيابه
مثل غصن الورد يوم الهبايب يطرقنه
ما زرعت إلا غلاه ولا نقلت إلا صوابه
والحشا ماضاق من خضر الطعون المستكنه
ياحبيبي مازها كف الخضاب إلا خضابه
فيه نظم المفردات وفيه للعشاق عنه
الظبي ماله شبيه وبينك وبينه تشابه
إلتفت بشويش وألقى فيه منك وفيك منه
خالقك من فضل محمد على كل الصحابة
وسخرك مثل المهار اللي تسخرها الأعنه
والثنا والشكر للي رحمته تسبق عذابه
لا لخلق الله شكر ولا لخلق الله منه
قاله اللي ما خذا مما يريد إلا هبابه
خيرة الفارس ثنية خيل صفرا مستعنه

قصيدة لأجل الغلا
لأجل الغلا نطوي البيدا ونقطعها
مشاعر الحب لاعنت تعنيني
لا قلت لبيه من ثغرك وأنا اسمعها
نسيت بعد المسافة بينك وبيني
يا عشقه الروح يا خيره مطامعها
شوفتك عن باقي الدنيا تكفيني
محبتك من ثلاث سنين زارعها
في شهر سبعه سنة خمسه وتسعيني
وداعه منك وأنت اللي مودعها
تجري مع دم قلبي في شراييني
وانته وداعتك روحي لا تضيعها
ضياع ياسر عرفات لفلسطيني
تولعت والله اللي فيك ولعها
والقلب عاشقك قبل تشوفك العيني
النفس تامر وأنا ماني بطايعها
الله عن النقد والمنقود يحميني
لو أن كبدي هجير الشوق لا يعها
أمر عطشان والشيمة تعديني
أم الدلع في ذرى شيخ مدلعها
زيزوم قوم علي الشدات قاسيني
شيخ ليا كبرت القاله يسنعها
ما هي بشيخة ختم وإلا ملاييني

قصيدة أبو العيون
أبو العيون اللي هدبهـا مراييـش
يا بو الدلـع يااللـي شفايـاك ذبلـه
يا ما على شانك نويـت المطاريـش
ويا ما تبعتك شـرق والنـاس قبلـه
واليوم كني شفت في الوضع تشويش
شيٍ مجمعت العلـوم تحسـب لـه
وش عاد لو تزعل علي الدراويـش
أنا بدويٍ راح يتبع هـواء… أبلـه
علط الرقاب اللي وبرها عكاريـش
لا ربعت قلبـي يزيـن الطـرب لـه
ننزل بها في منـزلٍ مابعـد نيـش
روضٍ خضر عشبه خزامـا وربلـه
في ليلةٍ يأتـي مطرهـا رشاريـش
هـذا ربيـع القلـب عقبـه وقبلـه
لا تحسبني عقب فرقاك مـا أعيـش
من لا حسب لي عادتي ما حسب لـه
حتيش لو بينتي الصد حتيش
لانيب عنتر ولانتيب عبله

قصيدة أعذب الأصوات
مرحبا يا أعذب الأصوات وأغلاها
صوتها العذب مرسالته على شاني
والمشاعر تلبى لى من أقصاها
من خفوقى ومن دمى وشريانـي
كل بيتن يداعب حمـرة أشفاها
يمتلكنـى ويأمرني وينهاني
أنا وأرضى وشعري من فداياهـا
حتى بحرى ولولـوى ومرجانـي
وان كتبت القصيده مـن مزاياهـا
أتحدى بيـوت الشعـر تعصاني
ميـر حتـى قوافيهـا ومعناهـا
كل بيتن يسابقني علـى الثاني
والله اعلـم ولولاهـا ولـولاهـا
مـا تحـدت ظـرف ولا تحداني
لين راحـت وراح القلـب وياهـا
قلب سلطان مير الحب سلطاني
حطتـه كنـه الخاتـم بيمنـاهـا
مثـل خاتـم نبـى الله سليماني
وكل طعنه مـن الغاليـن حياهـا
قد ذبحنى غلاااها العام وأحياني
كنت من حبها اكتبها ولا اقرأها
مير ذالحيـن تكتبنـى وتقراني
في حياتى من اولها الـى أتلاها
مهرتن كنها مـن خيـل جداني
كل مـا وصفوهـا كنـه إياها
بس هذى بليـا سـرج وعناني
سرجها الليل لا انهـل وتغشاهـا
تفهقه عن جبين الصبـح لأباني
وان نطحهـا الهـوى ولا تقفّاها
قمت أغنى لها لاحـي ياليحانـي
وأزرقتني برمحـن مـا تعداهـا
وابتلتني يـا ربـى لا تبـلاني

قصيدة عند ظنك
قال أنا عند ظنك قلـت لا بلـه
أختلف فيك ظني نوبـه ونوبـه
قال واللي سواتك يدمح الزلـه
قلت والغلطه اللي منك محسوبه
من بغاني على الشده رفيق له
لا يقصر بماجوبـي وماجوبـه
الرفيق المهجن رفقتـه علـه
لابس لي عباة الـود مقلوبـه
لو يجامل معي والكره مشتلـه
المحردب تشوف الناس حردوبه
والشجاعه رجوله والردى ذله
لا تحن الحصان إلا من ركوبه
يارفيق يحـد السيـف ويسلـه
كل ما أقفى رفيقه حش عرقوبه
رفقة مالها مذهـب ولا ملـه
يالله العفو والغفـران والتوبـه

قصيدة يالليل
يالليل يا ساري على شاطئ النيـل
يا كثر ما بك من وناسـة وضيقـه
ما غير أوسع خاطـري بالمواويـل
من خوف يشعل في الضماير حريقه
لأبه بنـي عـم ولا بـه مراحيـل
من دونهم بحـر يخـوف بريقـه
أثـر العـزب للنشامـا بهـاذيـل
والبعد من بيـن الرفيـق ورفيقـه
تصبر على الغربة زحول الرجاجيل
اللـي تمسـك بالحبـال الوثيقـه
وإلا الردي لو غاب من حرمته ليل
الليـل الآخـر دونهـا مايطيـقـه

قصيدة فيض العشق
الا يابـحـر يابـحـر الخلـيـج الـلــي عـلــى شـاطـيـك
غــلاه اغـلـى مــن امـواجــك ولـولــوك ومـرجـانـك
وانـا يابحـر يــوم افــز الــى مــن مــر لــي طـاريـك
على شان الغلا اللي في طرفك ماهو على شانك
تحياتـي وشوقـي يافيـاض العـشـق ذيــك وذيــك
اسـج الـرجـل يـمـك والتـفـت فــي بـيـت جيـرانـك
رعـــاك الله يـابـيـت لــيــا مــنــي بـغـيــت اجــيــك
تـوقـفــنــي تـقـالــيــد الـقـبــايــل دون بـيــبــانــك
ياليتـك ليـل اسـود كـان اسجـك بالقـدم واسـريـك
لـكـنـك بـيــت طـيــن وحـاجـتـي بــيــن جــدرانــك
حفظـت الجوهـر الغالـي ومـن سبـة غـلاه اغلـيـك
والا يـاكـثـر حـبــي لــــك والا يـاصـعــب نـسـيـانـك
عـزاي اليـا ذكرتـك حـاضـرك مـاهـو مـثـل ماضـيـك
ذكــرت الفيـضـه الـلـي تجـمـع الاحـبــاب بـوزانــك
تعنينـي لـك الذكـرى واجـي مــن ديـرتـي ناصـيـك
وبـاعـطـر قـصـيـدي مـــن شـــذا وردك وريـحـانـك

الوسوم :

شارك المقال في صفحاتك

معلومات الكاتب

Avatar

الصدق مبدأ .. ومنهج حياة

أكتب تعليق

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *