أفضل قصائد الشاعر ضيدان بن قضعان

- -

اشتهر الشاعر ضيدان بن قضعان بأنه شاعر السهل الممتنع، وقد أسس المدرسة القضعانية التي تبعها الكثير من الشعراء، وقد بدء بن قضعان كتاباته الشعرية منذ الصغر حيث كان عمره بين 13 أو 14 عام .

الشاعر ضيدان بن قضعان
هو ضيدان بن منصور بن ملهي بن قضعان آل عرجا العجمي، وهو أحد أشهر و أهم شعراء المملكة، بدء بكتابة الشعر منذ أن كان ابن 13 أو 14 عام، حيث قد أحيا حفل ابن عمه ” بندر بن عجمي “، وكان ذلك عام 1986، وقد كتب العديد من القصائد الشعرية، وأحيا عدد كبير من الأمسيات الشعرية والمهرجانات في المملكة ودول الخليج .

أفضل قصائد الشاعر ضيدان بن قضعان
1- قصيدة عقب العفو
عقب العفو من سيد الجود كله
طاحت بي الدمعة على كف سلطان
الدمعة اللي جعلها فدوةٍ له
وأنا بعد فدوة مواطي كحيلان
ويفداه من جاش البكا رهبة له
ويفداه دمع العين شكرٍ وعرفان
حبيت ركبة سيدي حشمة له
ولي الشرف ويصير لي عقبها شان
البارحة كني على صلو مله
واليوم مشرافي على راس مابان
عديت روس النايفات المطلة
واخترت من غر القوافي والاوزان
في مدح من شرد القوافي تدله
تنقادله قود العسايف بالارسان
المدح ماله غير سلطان لله
والجود ماله غير سلطان عنوان
اسمه لحاله دولة مستقله
ويعيش في ظله شعوب وسلفان
وإن قلت حكام العرب تحت ظله
عندي على قولي دلايل وبرهان
ليا حصل في بعض الأوضاع خله
وتشتت فالروس الاريا والأذهان
هام الصعاب وكل عقد يحله
مهوب في حل الصعيبات بحلان
يشيل حمل اللي عجز مايشله
ويذري ذراه من أشهب اللال شيخان
واليا بطش كل ثبت في محله
واليا تغاضا طمرته طمرت حصان
والعفو عند المقدرة عادةٍ له
والحلم لوصدره من الغيض مليان
والجود من له غير سلطان من له
ومن للمحبة والمكارم والإحسان .

2- قصيدة برج العاج
الدلو والميزان والقوس والحوت
ما غير برج العاج تغري وصوفه
وبرج بقلبي برج لولو وياقوت
لا يا بعد برج الحمام ورفوفه
ما يسكنه غيرك من السيف للكوت
لو ينتحي راس الولد عن كتوفه
علم وكيد بالمواثيق مثبوت
ما هو عذر اللي يفرك كفوفه
والله لا سافر لك لو ارجع بتابوت
وأنا من اللي ما ربوا في مروفه
على الشقا لاع الهوى كل شفلوت
وانتي تلوعين الحشا بالطروفه
والوقت للجاحظ والأيام هاروت
والقلب حاتم وانتي أغلى ضيوفه
يا مرحبا ترحيبة عقاب يا نوت
والحي يلحق لو تحده ظروفه
صوتك يكفيني عن الشرب والقوت
وشوفك غناتي والحياه مخلوفه
يا أقوى من اللوعات وأسخف من التوت
وأبلغ من البيت الأخير وحروفه
رجل تنادينه ولا يسمع الصوت
خسارة سمعه وصوته وشوفه
ورجل يضمك بين أياديه ويموت
والله ما يلحق حياته حسوفه .

3- قصيدة سكر الخط
سكر الخط صبري وصل حده
أو تراجع لو الخاطر كسرته
صرت تلعب بقلب منت قده
غربلته الليالي وانت بورته
عقب ذيك المودة صرت ضد
ولو تجاهلت حبك ما نصرته
بين مزح الزمان وبين جده
لا قبلت الغرام ولا نفرته
كنت أقدر غلاك وكنت أوده
قبل ساعات لكني خسرته
حتما أنسى الغلا لو بعد مده
وإن ذكرته نسيته ما ذكرته
شيء عادي وسد الخط سده
يلعن الليل كان أني سهرته
ويلعن الحب ويلعن جد جده
انتهينا وسعيك ما شكرته .

4- قصيدة يمر القلب
يمر القلب من دار وراء الخفجي طريق ودرب
وأمرك يا الطريق اللي لك اقدامي مصخرها
وإذا مريت مع ذاك الطريق اللي يجي من غرب
ذكرت أحلى ليالينا من اولها لآخرها
ومريت الحشى بالونه اللي ما جذبها طرب
ومريت العيون بعبرتن للدرب ذاخرها
وشفتك في خيالي بين طيات الدفى والقرب
وناديتك فديتك خل ايدينك لا توخرها
عفى الله من ضمان حصل الماء في الطريق وشرب
وعفى الله عن ليالي ما جهلنا في أواخرها
عقلنا وألتطم حب المواجه يالعفيف الذرب
كما موج لطم في غبة وأغرق بواخرها
وسقت الرجل صوبك يا حبيبي والليالي جرب
ولا اهتميت في ناس تبي ترفع مناخرها
حبيبك يا حبيبي من سلالة أهل دروع وحرب
ولا يعشق من أصناف الجواهر كود فاخرها
تفاخر يا بعد من حطله بين الحنايا درب
تفاخر وافتخر وأغلى القصايد فيك أصخرها
وإذا مريت مع ذاك الطريق اللي يجي من غرب
تذكرت أحلى ليالينا من أولها لآخرها .

5- قصيدة حي الله اللي
حي الله اللي ليا ابطى واق له ويقه
حيى بها اللي من الوحدة نفد صبره
البارحة ليلٍ اغفي منه وافيقه  كني
عليل يوايق به على قبره
وأخوي سلطان مثلي ناشفٍ ريقه
جاني كتابه وزود عبرتي عبره
يالله يا كافلٍ عيشة مخاليقه
عليك ياللي عليك الحل والدبره
والشمل يابو محمد لم تفريقه
للمعتبر يا رفيع المنزلة عبره
وإن كان ما الله وفقنا بتوفيقه
لو نشبر أيامنا ما هي بمنشبره .

الوسوم :
الوسوم المشابهة : , ,

شارك المقال في صفحاتك

معلومات الكاتب

sarah

أكتب تعليق

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *