كلمات شيلة الطرف الكحيل

الشيلة فن شعبي من الفنون المتوارثة، في المملكة ودول الخليج العربي، وتنتشر كذلك في اليمن، وهي مختلفة عن الأغاني، يتم تأديتها من خلال المد في الكلام والأحرف عكس ما يحدث في الأغاني .

شيلة الطرف الكحيل

يا صاحبي شلي جرى
واللي حصل واللي طرى
يا اغلى الاوادم وش بلاك
عقب المحبه والغلا
هجرتني بد الملا
وانا الذي همي رضاك
من غير ذنب ولا خطأ
ولا جفا ولا بطا
اقفيت والخافق معاك
في صدتك وش السبب
ليه الجفا يا اغلى العرب
مني الخطا ولا خطاك
يا راعي الطرف الكحيل
ما عاد لي فالبعد حيل
عود عسى العالم فداك
يا غايتي يا منيتي
لا لا تخيب هقوتي
يازين وانا في رجاك
جعلت لك فالقلب بيت
سكنت به من يوم جيت
وحدك ولا احد معاك
غلاك عندي فوق فوق
يجري مع مجرى العروق
مابه حد في مستواك
فرق الثريا والثرا
فرقت عن كل البرا
في عين محبوبك شراك
يالحب الاول والأخير
مالك مع العالم خشير
والله يعلم عن غلاك
مالي بغيرك فالبشر
واحد وتسوى لك عشر
مالي بغيرك ياملاك
يازين يا عنق الغزال
والله ياحبك مايزال
من قلب ودك واهتواك
فديت انا ذيك العيون
ذيك المحاجر والجفون
سبحان من صور حلاك
والخد براقه لمع
والزين كله مجتمع
في طلتك والله عطاك
زويت معلوقي زوي
زوية خصرك المنزوي
وردتني عد الهلاك
قربك ينسيني العنا
لاعاد تجفاني وانا
مالي من العالم سواك
يا اخر غرامي واوله
عليك ذابحني الوله
يسقى علي ساعة لقاك
عود ولا تبطي ترى
عيني محاربها الكرى
ما ذاقته سبة جفاك
يا صاحبي شلي جرى
واللي حصل واللي طرى
يا اغلى الاوادم وش بلاك
يا اغلى الاوادم وش بلاك .

شيلة كبرنا وانتهينا

‏بعد كل السنين اللي مضت رديت ؟ صح النوم …
كبرنا وانتهينا ومستحيل نعود مثل أول
نطرتك لين مليت الاماكن في هذاك اليوم ..
عسى عمرك طويل ولكن غيابك بعد طول
بعد كنت العظيم اللي يقوم القلب يوم تقوم
غلاك اللي معذبني من اعلى خافقي حول
وبعد كنت الوحيد اللي يتجول داخلي ويحوم
جذبتك من خفوقي لا تحوم ولنت متجول
فمان الله يا اجمل من سكن قلبي وعداك اللوم
تاخرت وصحى صدرن من اقشر ضيقك مفول
انا الاول بقلبك والوفا والحب والمحروم
ولكن رحت واوجعت الضلوع وغبت يالاول
انا الاول بقلبك واول احبابك والاول دوم
ولكن كل شي في غيابك قام يتحول
يا هول الوقت في وجه الفراق وعن لذيذ النوم
يحد الضايق اللي من عذاب الوقت متهول
انا جيتك كريم بكل مافيني وفرقت السوم
وتحسب ان جيتي لدافي غلاك العذب متسول
وتبينا الحين نرجع بعد هذا الوقت ؟ صح النوم
كبرنا وانتهينا ومستحيل نعود مثل اول .

شيلة يا مرحبا بالقريب ويا هلا بالبعيد

يا مرحبا بالقريب ويا هلا بالبعيد
في ليلة كنها من نورها ليل عيد
ما يفرق العيد عنها غير توقيتها
يا مرحبا بالقريب ويا هلا بالبعيد
من طيبها قمت بأعلى الصوت غنيتها
وجودكم فرحة تسوى ويوم سعيد
ياليتها دايمه الافراح ياليتها
يطيب ليل الفرح والعين لازم تهيد
فرايد الشعر سرّتني وسرّيتها
في ليلة كنها من نورها ليل عيد
مايفرق العيد عنها غير توقيتها
يا مرحبا بالقريب وياهلا بالبعيد
من طيبها قمت بأعلى الصوت غنيتها
عند ابوخالد تجمّل ياجزيل القصيد
من بعد ماجاتك الدعوه ولبّيتها
قاعد زبون الوفا عن موقفه مايحيد
كم قوم ضدّيتها وكبود داويتها
في ليلة كنها من نورها ليل عيد
مايفرق العيد عنها غير توقيتها
يامرحبا بالقريب وياهلا بالبعيد
من طيبها قمت بأعلى الصوت غنيتها
شيخ يروم الصعاب بكل بأس شديد
وافعال مثلك تدوم وعامر بيتها
ابلج حجاج وخطل يمنى وراي سديد
ركايب المجد فوق المجد حفّيتها
وعياله اهل السطر واهل المقام الرشيد
يخزي شياطين خلق الله وعفريتها
حرار اصغر فعايلها تقص الحديد
من قومٍ ان عدّوا الشجعان عديتها
من معتقين الرقاب مطوّعين العنيد
مزبّنين الدخيل اللي زبن بيتها
حواتم عتيبه الهيلا كلام وكيد
اذ قالها قاضي الروقه وكرّيتها
آلاد ذايب هل الفزعه ومجد تليد
سيوف ان جا النهار الشين سلّيتها
في ليلتن كنها من نورها ليل عيد
ما يفرق العيد عنها غيرتوقيتها
تفاخري ياعتيبه بالحزام الجويد
تفاخري بالفعول اللي شلع صيتها
عتيبه هل السطر واهل المقام المجيد
لو اذكر افعالهم عامين ما احصيتها
لو تنحصى بالقصيد احسنت بدع القصيد
اسرجت فكري ونار الشعر شبيتها
عتيبة أهل السطر واهل المقام المجيد
لو اذكر أفعالهم عامين ما احصيتها
في ليلتن كنها من نورها ليل عيد
ما يفرق العيد عنهاغير توقيتها
يا مرحبا بالقريب ويا هلا بالبعيد
من طيبها قمت بأعلى الصوت غنيتها
وجودكم فرحة تسوى ويوم سعيد .

الوسوم :
الوسوم المشابهة : ,

شارك المقال في صفحاتك

معلومات الكاتب

Avatar

أكتب تعليق

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *