افضل قصائد الشاعر محمد المقحم

محمد المقحم هو أحد الشعراء المتميزين ، وقد نشأ في بلدة القصب التي تعد معقل الشعر والشعراء ، وهو من بيت شعر فعمه النجم ” سهيل ” يقوم بكتابة الشعر بشقيه النبطي والفصيح ، ويمتلك محمد المقحم موهبة شعرية فريدة تثريها ثقافته الغنية ، وقد استطاع أن يظهر لنا القصيدة البسيطة والسلسة .

نماذج من أشعار محمد المقحم

الحياه مدرسة ماذا تعلمتم منها

ياكم نصحني راعي العقل اللبيب

يبي يفطِّني لكني ما فطنت

لا تنشد مجرب ولا تنشد طبيب

والله م تدري صدق لين تجرب أنت

رسالة عتب

شي همس في قلبي وقال مبروك

انا معي رسالة من حبيبك

يقول بابك ليش يابوي مصكوك؟

راح العمر ماباقي الا مشيبك

ومافي البطى الا ضيق وهموم وتكوك

قلت اصبر اصبر مالك الا نصيبك

ولا عاد ترسل لي رسايل وانا ابوك

اصبر علي ادوّر امك واجيبك

دام الغصن

دام الغصن ماهوب يختار طيره

خفف على نفسك عتابك ولومك

الوقت يي ياصلك شره وخيره

خذ حقك من اكلك وشربك ونومك

الرزق محدٍ ماخذ رزق غيره

والموت منت بميتٍ قبل يومك

جديدات الاخبار

ياللي تنشد عن جديدات الاخبار

الوقت خذ له بالرجاجيل فره

شريم جاله برطم وولع النار

وكليب خلا شبة النار مره

اليوم في غيبتك

ترا اليوم في غيبتك كنه علي سبوع

ورجعتك تحيي ميت الهجر من لحده

مثل رجعة الخدمة على الهاتف المقطوع

لجته الرسايل كلها مرةً وحده

ان كان في بوكي ريال

ان كان في بوكي ريالٍ كليته

خل الفرح يقبل بزيره وطبله

والله ما اضيّع يومي اللي حييته

عشان يومٍ يمكن آموت قبله

اوفيا التاريخ

بعض اوفيا التاريخ مافيهم اخلاص

لو صوروهم بالوفا والأمانه

يوفون لأشخاص بخيانتهم اشخاص

لذا الوفاء احيان نفسه..خيانه

اي والله بكيت

اي والله بكيت وسال دمعي على الأوجان

ما اعرف اللجاوي مار بكتني النبره

هذا بيت مبروك وهذا مسجد صعيوان

وذا قرو أبوي ..وتردف العبره العبره

والله ان القلب يزعل

والله ان القلب يزعل ويطني ما يبيش

والقلوب اللي تعذب يا قصر اعمارها

ان بتلت اشتاق وآحن ما ظنيت اعيش

والمحبه في ضميري تسعر نارها

فوح قلبي فوح رسلانةً قامت تطيش

اغفلو عنها ودلت  تزوع بهارها

الموت مثل النوم

الميت بموته لهالحين  ما حس

الموت مثل النوم هذا اقتناعي

تحس بأنك فيك نوم وكذا..بس..!

ما تدري انك نايم الين تاعي

شفت البخيل

شفت البخيل..! اغبى عباد الله ترا

فقر وغبن.. يا مال قلعات النيا

يعيش في الدنيا معاش الفقرا

ويموت ويحاسب حساب الاغنيا

حياته مالها خانة

أنا اللِّي والله حياته مالها خانة

وأنا اللِّي أعز ربعه.. ما يعرفونه

مافيه شي يستحق أعيش من شانه

ولا فيه شي يستحق أموت من دونه

الخاطر الحساس

الا ما اصعب الحاجه على الخاطر الحساس

بلا والله الحاجه بها ذل وتهيّب

عسى الله م يحدانا على حاجة للناس

والى حدنا ما حدنا الا على طيب

وضع مبهم

تصدقون انا في وضع مٌبهَم

الى متى هالوضع يمكن يبقى.؟

إلى افترقنا كلبونا نفهم

وإلى اجتمعنا كلبونا حمقى

كم ساعة تنام تقريبا

الناس الى من صابهم حزن وهموم

اجسامهم تصير مثل الهياكل

وانا لي طبع غير وعلومي علوم

عكس الأوادم في الفرح والمشاكل

الى فرحت اصير ماكل ولا انوم

والى زعلت ادلي آنوم وآكل

مابي لي أيات سياره

مابي لي أيات سياره ولا أيّت مرَه

وابي ابي..ما دريت إن البنادم ضعيف

الآدمي كنه ورقةً في غصن شجره

إن عجز عنها الهوا ما عجز عنها الخريف

ادرا عليك

ادرا عليك من المقادير وآخاف

بلاك مالك في الحياة إحتياطي

بقول لك كل المعاني والاوصاف

انتي1هواي2وسلوتي3وإنبساطي

حرف الألف والحاء والباء والكاف

بقولهن لك بس مانيب ساطي

من كثر طيحاتي

من كثر طيحاتي على خط الهجوم

ومن كثر ما نفسي وراي معانيه

اصبحت لامن طحت ما حاولت اقوم

من خوفتي لا اطيح مره ثانيه

في صوتك شي روحاني

يالله عسى موتي قبل موتك

ياللي في صوتك شي روحاني

اذا جلست اتسمع لصوتك

يغارن عيوني من آذاني

دنياً تحمّل الرجال مالا يطيق

دنياً تحمّل الرجال مالا يطيق

السنين إقتفتني وإحتدتني حدو

والصدر والله إنه كل ماله يضيق

لين جزنا من مخاوى الحضر والبدو

الحبيب يتردى لين يطلع صديق

والصديق يتردى لين يطلع عدو

يا قلب

يا قلب خف شوي لا ينلعبك

ترا الهوى والعشق ما ينلعبه

ما هوب غصب اللي تحبه يحبك

اهم شي اللي يحبك تحبه

الأودام

بعض الأوادم  حبنا غابنهم

من الغبينه كن فيهم جني

ما يقبلون احبك اكثر منهم

وانا تراي احبك اكثر مني

قبل عرفها

قبل عرفها غير وبعد عرفها غير

لا والله هي اللي نوّرت لي سنيني

انا مثل ذا اللمبه وهي مثل ذا الطير

من أول م جتني ولع النور فيني

الوسوم :
الوسوم المشابهة : , ,

شارك المقال في صفحاتك

معلومات الكاتب

Avatar

دعــاء

أكتب تعليق

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *