كلمات شيلة عسى الله يسقي ايام البساطه

تعد الشيلات لونا فنيا شعبيا مستحدثا، وله هواته ومحبوه، وهي تحظى بمتابعة كثير من كافة المجتمع لألحانها الحماسية، ولأنها تخلو من الموسيقى والعزف، وتعتبر الشيلة فن شعبي سعودي .

شيلة عسي الله يسقى ايام البساطة

شيلة عسى الله – صالح الحوالي

كلمات الشاعر – محمد بن لقفص العمري

يقول الناظم العمري تذكر ** زمان كان راع الطيب يشكر
وذاك المجتمع ما فيه منكر ** وكل كان مشغول بحاله
عسى الله يسقي أيام البساطه ** زمان ما تلوث بالوساطه
وكان الجار بالجار إرتباطه ** وكان الوصل ممدوده حباله
وكانوا في منافعهم سويا ** إذا نادوا بعضهم ما تعيا
ولا من قيل هيا قال هيا ** على درب المكارم والجماله
وكان الشخص يسمع قول عمه ** إذا ناداه حالاً راح يمه
يلبي لو طلب روحه ودمه ** وهذا سلم رواد الشكاله
نهار العيد يلتم الجماعه ** على ضحك وسواليف وطاعه
وزاروا بعضهم في نصف ساعه ** ولو ما يشربون إلا بياله
وكان الغيث ينزل كل ليله ** نرى المطلع علينا سال سيله
وصارت الارض بالخضره جميله ** وشكل العشب من شافه سعى له
وهذي كانت أحوال القدامى ** إذا إستسقوا هطل وبل الغمامه
عليهم يا عرب مني سلامى ** عدد من يذكر الله بإبتهاله
وفي هذا الزمن قل التراحم ** بعد ذاك التواصي والتلاحم
على العصيان يا كثر التزاحم ** إذا أقفا شر جاء شر بداله
كثير الناس يهوون التقاطع ** بعد ما كان نجم الوصل ساطع
برز سيف الحسد مسلول قاطع ** كثير من هجر عمه وخاله
وياكم واحد يحسد قريبه ** على شانه تغانى يا مصيبه
ما وده إخوه يتهنى نصيبه ** تشوفه ينتظر ساعة زواله
وحنا في زمان وضعه أقشر ** تغلب في طباعه داعي الشر
قليل ما تجد لك كلمة أبشر ** فقدها الرجل حتى في عياله
نصلي في السنه عشرين مره ** للإسستقاء ولا هل أي قطره
بلانا من معاصي مستمره ** ترد الخير عنا بأي حاله
ختاماً يا رجاجيل إسمحوا لي ** فأنا وضحت مما شفت حولي
وكان أخطيت قوموا وضحوا لي ** فأنا شاعر قصيده رأس ماله .

اروع الشيلات

شيلة أحسبك تمزح غريب ال مخلص

ياروح روحي وش اللي جاك
عنيتني فوق مافيني
واوجد حالي على فرقاك
وش له تروح وتخليني
احسبك تمزح علي بحكاك
الين منك بكت عيني
حتى اسمي اسمعه عند دعاك
ولا انت مقفي ما توحيني
مع الزمن ما قويت انساك
ياليت وقتي ينسيني
صوت المطر عوّد بذكراك
والغيم كنه يداريني
يلوح برقك وينثر ماك
ولا عاد رويت بساتيني
غايتك طالت وطال مناك
واضميتني كيف ترويني
قدرت في صدتك ماقواك
ونسيت مابينك وبيني
الله على غربتك يجزاك
والله من الناس يغنيني
ضيّقت بالي يا عود الراك
غديت من فقري وديني
من أوله عارفٍ مبداك
وشوفتك عندي تكفيني
واليوم مانعترف بأسماك
ولابغاك تاخذ وتعطيني
الحب جابك وجاب أقصاك
ياللي على البعد مقصيني
في وسط دارك تطول خطاك
وعلى الشقا ليه تحفيني
مافيه شيٍ معي يخفاك
وما عاد به من يسلّيني .

شيلة يا مطير لبدر غازي

احتزمنا في المواقيف والامر إمحسوم
التحدي حان والخصم لايقفي بها
يامطير ان كانها وصلت لفرك الخشوم
من تقدّم بإسم ربعه يسمى ذيبها
الرخاء والامن والعز والله مايدوم
مايدوم الا الفعول اللي إنماري بها
ياهجوسي مالنا عذر لاحان اللزوم
لانخوني مطير في ذمتي لا أجيبها
المواقف لادعتنا تناخينا عموم
نحتزم لو الليالي مانعلم غيبها
حقنا يوم التلاقي وصكات الخصوم
الاوايل عندنا .. دايمٍ نحريبها
المراكز كلها حصري إبكل العلوم
كلها لمطير .. والناس في ترتيبها
دونها لامن وقفنا ونفذنا الكموم
طلقةٍ من بندق مطير غصب تصيبها
استعدوا والوعد في الكويت اليوم يوم
حضّر النايف .. دروب العلا يمشي بها
هيبته ماتترك اللي يبي يشري يسوم
والله انه لو مايبقى هلل في جيبها
كنه طويق المسمّى يهوم الأرض هوم
ناسع الغارب تسنادته ياطيبها
قوس خشمه يفرقه عن تقوّاس الخشوم
والسبال الهدل صفق الهوى يومي بها
رافعٍ راسه موصّى على عد النجوم
رافعه طاري العزاوي وهو ضاري بها
عند عيد مطير لاقام في الموقف تقوم
ابن مذكر وقفته كلنا ندري بها
إحتمى من دون ربعه لتحطيم الرقوم
يستحق من القبيله لاجاء ترحيبها
إيه إبن معنيّه كل ما كبْرت يزوم
المواقف كنّه إن نادت إيهلي بها
في مقام مطير ربعه ما أحد ملحقْه لوم
وأشهد إن مطير قصة فخر نحكي بها
في المواقف والفعل والحميا والسلوم
أصقه العربان وقفاتنا يوحي بها
والدعاوي كان وصْلت لزرقات السهوم
والله إنّا مانخلي الخصم يسري بها
موقفٍ منه أكثر الناس لاشك إمحروم
والاوايل كل ماتعترض نسطي بها
قلتها في موقفي والشعر مثل الختوم
يحفظ التاريخ .. واهل الحكي مالي بها
قافٍ محنّك عن مطير ويسد اللزوم
وندّر أبيات الشعر ما أختلف تركيبها .

الوسوم :
الوسوم المشابهة : , ,

شارك المقال في صفحاتك

معلومات الكاتب

ريهام عبد الناصر

يوماً ما ستكون لي بصمة يكتب عنها التاريخ وتتناقلها الاجيال

أكتب تعليق

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *