قصص سعوديه حزينه

كتابة sama آخر تحديث: 24 نوفمبر 2019 , 23:57

الرواية هي فن من فنون الأدب، تتميز بأسلوب السرد الطويل للأحداث بطريقة نثرية، ويصف الكاتب في هذا السرد الشخصيات الخيالية والواقعية، وتكون الروايات مزيجًا من الأحداث، يتم عرضها بطريقة مترابطة ومتسلسلة، وهي أطول من القصص في الفصول والكلمات والأحداث وأيضًا في الشخصيات التي تدور حولها الرواية، نظرًا لأنه بداخلها تكثر الوقائع وتتنوع، وظهرت الرواية في أول ظهورها في داخل أوروبا وبعدها إنتقلت إلى باقي دول العالم.

الروايات والقصص السعودية

هناك العديد من الروايات السعودية الحزينة التي يرغب الجميع في قراءتها ويستمتعون بها، ومن بين تلك الروايات المختلفة والتي تتميز بأنها روايات سعوديه حزينة حققت نسب عالية من القراءة والمشاهدة في عالم الإنترنت  :

ياعيونه بس يكفيني عذاب.

اشتكى اللي بين ضلوعي.

بنات السفير.

الخوف من الحب.

صاحب الظل الطويل.

قصة سعودية حزينة

قصة على لسان صاحبها من السعودية

هذي قصة حصلت يوم الأربعاء لبنات في حي العليا فاطلبوا لهم الرحمة:

بنات في حي العليا

كنت في منطقة العليا بمدينة الرياض وكنت على موعد مع صديقي على العادة كل اربعاء يمرني بعد صلاة العشاء نتمشى إلى الساعة عشر ونتعشى وبعد العشى نمر نستأجر أفلام ونروح البيت ونسهر عليهم إلى صلاة الفجر وفي هذا اليوم اختلف البرنامج تماماً مرني صديقي وطلعنا وسوالف وقال بمر المملكة والفيصلية اللي هي قريبة شارع التحلية قلت له لا تروح هناك قال يا رجال نتفرج لاحول قلت اليوم أربعاء وزحمة وأكيد فيه هيئة قال وش علينا كل العالم تروح.

المهم رحنا دخلنا السوق وكان مزحوم وكانت الهيئة موجودة وبشكل كبيرة أكثر من سيارة المهم أخذنا لفة وحدة وكان قلبي مش مرتاح قلت فيه شيء أو راح يصير لنا شي وأنا من النوع أحس اذا فيه شي ودايم سبحان الله يطلع احساسي صحيح المهم وحنا في اللفه الثانية رحنا مع شارع كله محلات راقية وهناك لقينا سيارتين للهيئة واقفين متخفين بعيد وكأنهم يراقبون أحد المهم قلت لخويي قلبي قابضني فيه شيء بيصير لا تترك الشارع هذا خذ لفة ثانية.

المهم وحنا في اللفة الثانية إلا الشارع فيه زحمة وصوت كلام عالي ومانشوف شيء سيارات زحمة والسيارات واقفه قلت افتح الباب واوقف المهم فتحت الباب ووقفت لقيت واحد من الهيئة يصارخ على اربع بنات ووحدة منهم هي اللي تصارخ عليه وتتكلم معاه وشوي وهو يقول لها ما أقدر أمد يدي عليك خليها تجي بالطيبة وهي تقول أنت خليت فيها طيبة المهم قال شغلك معاي قالت له البنت أسبق خيول أبوك اركبه وإذا أنت رجال الحقني المهم ركبوو السيارة وهو يقول لأخوية وراهم ولا تتركونهم وقمنا حنا لفينا يمين ورحنا نتفرج طلعت السيارات اللي شافت الزحمه وانطلقت السيارة اللي فيها بنات ومسرعين على شارع التخصصي ووراهم سيارتين حقت الهيئة وحنا ومعانا سيارات زحمة نلحقهم.

المهم السيارات في سرعة عالية مرة وهنا يبان لنا أنها مطاردة ياساتر على السرعة وـنا خوي الغبي أقول هدي السرعة وأنا خايف من جد لأن صديقي اندمج وهو يلحق السيارات وأنا يا فلان اتركهم وش علينا منهم وهو هذا تخصصه يحب يشوف علشان العالم كلها تدري صاير(يهوجس) المهم وحنا وراهم وجاء الدوار الكبير حق الثمامة وكل السيارات مسرعين والسيارة اللي فيها البنات، أول سيارة في المطاردة وشوي وفي الدوار يالله سرعة جنونية وسيارة الهيئة وراهم نفس السرعة وقرر يجي جمبهم سواق البنات تفاجئ من جد.

وشوي إلا هو فوق الدوار وتنقلب سيارة البنات ومن جمب الدوار وتنقلب وتطلع من الجهة الثانية وهنا في بنت من قوة الانقلاب طلعت من السيارة بدون عباء وأخيرا وقفت السيارة بعد اربع قلبات وسيارة الهيئة صدم في الدوار ولا انقلب وأنا هنا وقف شعر راسي وجاتني مثل الدوخه وخوي وقف سيارته نزل قلبه قوي وأنا قلبي قوي بس منظر البنت سبب لي مشكلة لمدة سنة تقريباً إذا ذكرت الموقف.

المهم شوي ونزلت ورى صديقي وعالم واقفين واللي يسوق سيارة الهيئة واقف منبهر يبكي وحاط يدينه على راسه وبعض الشباب جزاهم الله خير يبون يشيلون البنات قمت أنا وكم واحد غطيناهم ما ندري هم أحياء أموات وبالصدفه نزل واحد كان مع زوجته وولد صغير طلع دكتور وجاء مسرع وبقلب قوي وقام يكشف على وحده وحدة ويمسك يدها ومن بنت إلى بنت وآخر شيء راح للبنت للي طلعت أثناء الانقلاب وقام من عند البنت ووقف الدكتور والعالم كلها تناظر فيه ونزل راسه قال الله يرحمهم هنا العالم انبهرت وترحمو عليهم وقمنا وغطيناهم بعض ما كشف الدكتور وشوي إلا جاء واحد يطالع في سيارة البنات يمين شمال وراح من هنا ومن هنا وراح وشاف رقم اللوحة وقام يبكي قال له واحد تعرفهم قال لا يقربون لي.

قال له تعوذ من الشيطان يمكنك غلطان قال لا يقربون لي قال اكشف على وجيههم قام كشف على وجة بنت بنت من وحدة إلى وحدة وعرفهم وكانت الصاعقه … طلعو البنات الأربع :-

وحدة بنت السبيت.

والثانية بنت الهاص.

والثالثة بنت الديمن.

والرابعة بنت الكلفس.

بنات ورقة اللعب حق الجنجفه.

الوسوم
زر الذهاب إلى الأعلى
إغلاق