شعر غزل عراقي

كتابة sama آخر تحديث: 21 يناير 2020 , 21:07

يُعرف شعر الغزل بأنه من أكثر أنواع الأشعار التي تثير حالة الشجن، وتساعد في تحريك القلوب، وخاصة الشعر العراقي، حيث أبدع العراقيين في قول شعر الغزل، واشتهرت أشعارهم بكثرة الغزل بها، وانتشرت نظرًا لروعتها في كافة أنحاء الوطن العربي، وأصبحت أشعارهم على هيئة أشعار يتم غناها، لأن الشعر العراقي من الأشعار التي تمتلئ بالمشاعر والأحاسيس وروعة الكلمات التي تمزج ما بين اللهجة العراقية القوية والحب والإبداع.

شعر غزل عراقي

تتعدد أشعار الغزل العراقي بين الكثير من الشعراء الذين أبدعوا في كتابتها ومن بينها :

الشاعر سعد محمد الحسن

عبنا القهر ممشى جزيرة وخوف .. صار الماضي غلطه وچنه غلطانين !! لا تبچين لو يسوه العمر يمكن بچينا اسنين .. هي / اشلون اتگلي لاتبچين .. هو / لا تبچين ..!! هي / تدري انت اليحب ما يگدر اعله النار .. ويا نار اللي بيَّه أتفزز الميتين .. احتاج الدمع من ما اشوفك يوم .. لأن يصبح عليَّ اليوم خمس سنين ..!! حبيبي لخاطري .. لا تبتعد ارجوك ما احمل فراگك .. تدري كلش زين .. هو / بس ارجوچ لاتبچين .. خوفي آنه عليچ من الدمع والله .. مرات الدمع ياخذ حلاة العين .. ويل كلچ ترافه ارجوچ لا تبچين.

الشاعر أيمن الكردي

ما مقسوم احبك وابتدي وياك بس مكتوب دوم بحبك نعاني ما اكلك انساني بس اكلك روح وياك الوكت محتار خلاني اعتب عالزمان الما جمعني وياك … وبدرب السراب شلون مشاني بعد كل البنيتة وبية ما ضل حيل اجة بلحظة الزمان وهدم بنياني وبعد جرح الأمس وك يا زمن ما طاب وصدك كالو تشافيني بجرح ثاني لا صاحب تركتة ولا حبيب وياي وعلى صفحة حزن خطيت عنواني وعموما ياحبيبي واغلى ما حبيت انت اول محب استحل وجداني الف مبروك اكلك من كلب ولسان مو كلمة واجتني بطارف لس بالعكـس لا والله عادي وخاف هنتك أنـي أسف بصـراحه صعب حبنـا حتـى ما ينراد سـوالف سنين عـايش انـي احبك عيشـت روحي بحلم.

الشاعر محمد رحيمة الطائي

هو / اشلونچ يا أعز الناس عندي .. هو الگلب چم أحبيبه عنده .. هي / هزني الشوگ عالموعد اتانيك .. وأعد بيدي الدقايق وحده وحده .. وحده .. اثنين .. هاي الثالثة تروح .. اتاني وصار هالموعد اشبعده نمت حسبالي اشوفك بالحلم جاي .. وگلت دمعاتي احطهن وسط خده هو / نمتي .. هنيالچ غفيتي .. وآنة ليلي يمر على عيوني صبح الينيَّم وردة ويمسد عليها.. مو مثل ليلولي وينيم جرح .. !! والغفه ابكلمة محنه .. مو مثل الينام وبعينه ملح ..!! هي / لا حبيبي .. آنه هذا الليل من يمرني دمعة.. وحزن.. واشواگ .. وحنين آنه عيني عليك ما بطل دمعها .. تبچي ما تسكت العين .. هو / لا .. لا تبچين .. امسحي دمعتچ وارجوچ لا تبچين .. يل دمعچ جمر وخدودچ احلى أورود .. خايف على اخدودچ من دموع العين .. لا تبچين .. وردة وتحترك ما تحمل النيران .. يذبل كل ورگها وتستحي من الطين .. هي / وانت تگلي لا تبچين ..؟ مو عمري انتهى .. وايامي كلها أتروح .. لو راح العمر متگلي اجيبه أمنين ..؟ هو / لا تبچين .. المن بعد المن تسوه دمعه أتطيح .. هو اشباقي بينا ونحترك كل حين.

شعر غزل جديد

جنـت أحبك واديري غلطه وهسه أحبك للعلم يعنـي كل عقلك نسيتـك مـا نسيت لا وربي تـدري انته هـل فتـره انته صاير هجـي الشارع بوسط كلبي بالحلم يوميه اشوفك ربي الك بيها اراده فـدوه خلينا انشوفك مباشـر والله مليت الاعاده.

الشاعر عبد الحسين الحلفي

أحبك مو لأن انت حلو…لا لأن روحي التقت گبلي… ولك بيك اذا إنت تمُّر عا الأعمى يصيح الله والأخرس لـَّون حاچيتة يحاچيك أذب گلبي إعلى سهمك وآنه مجروح واگلك دير بالك اخاف أأذيك إجرَّحني ولك بس كون عالكيف لأن إنت ويَّـه دمي وخاف أبديـِّك إجرحني ولـك بس كون ماموت حتى مـِّن يتهموَّنك أبريّك على المراية وگفـت ما شفت وجهي وشفت وجهك طلعلي وگمت احاچيك وثبت بمرايتي وجهـك مرايات واباوع وجهها مرايتي بيك بگذلتك شِّد رگبتي وطلع الروح اريدنها بعد تتگرب إعليك انت بحضني واگول بعيد اريدن هيچ كون آنه انخبط بيك بيا شارع مشيت گبالي الاگيك افوت بغير شارع هم الاگيك ارد للبيت گبلي الگاك بالباب اطب گبلي تطب وتگلي اتانيك بغيرك فكرت كلت آنه انساك طلع غيرك يشبهك وفكرِّت بيك طلع غيرك يشبهك وفكرِّت بيك.

زر الذهاب إلى الأعلى
إغلاق