أفضل قصائد الشاعر الكويتي محمد الخس ” البستان”

كتابة ياسمين محمود آخر تحديث: 11 ديسمبر 2016 , 09:30

الشاعر الكويتي العظيم محمد الخس هو من أبرز الشعراء العرب الذي قد جمع بين كل الصفات المحمودة للشعر، فهو سيد الشعر وسيف الجزالة، وهو جليس المملوك وحلم الصبايا، فهو مدرسة شعرية استطاع من خلالها أن يجمع بين الجيلين، فاستحق أن يكون رمز الشعر العربي ونبراس الشعر النبطي، وكما لقبه الملك عبد العزيز آل سعود رحمة الله عليه باسم “بستان الشعر”، لما سمع منه من أجمل الكلام وأعذب المعاني، فيعود نسب الشاعر الكبير محمد الخس إلى قبيلة مطير، وقد كتب الشعر وألقاه منذ الصغر وألقى العديد من القصائد أمام الملك عبد العزيز آل سعود رحمه الله وكان لم يتجاوز عمره الخامسة عشر عاما ومن هنا كانت البداية الحقيقية للشاعر محمد الخس على الساحة الشعبية للشعر في الخليج العربي، وكانت تجمعه به صداقة تعود لأكثر من 35 عاما وهو ما جعل خادم الحرمين الشريفين الملك سلمان حفظه الله يزور الشاعر محمد الخس أثناء زيارته بدولة الكويت عرفانا منه بأصدقاء والده المؤسس للمملكة، ومن ثم فإننا نعرض في هذا المقال أفضل قصائد الشاعر الكويتي محمد الخس والذي برع في كافة الأغراض الشعرية فكان نعم الشعراء.

قصيدة يا مرحبا والتي قالها الشاعر بقصر الأمير سلطان بالطائف بمناسبة حضور الملك فهد رحمه الله
يامرحبـا عـداد ماهـل وأمـطـر=مـزن ٍ تعـزّل مـن خيالـه ربابـه
سل المشاعـر بارقـة يـوم يظهـر=تبـرق مقاديمـه وترعـد عقـابـه
تحيـة منـي كـمـا ذوق سـكـر=أقولهـا عـن سـيـدي بالنيـابـه
هـذا واكـرر ثانيـه مـا تهـتـدر=يامرحبـا حييـت فـي كـل بـابـه
يالعاهل اللي فيـك الاسـلام تنظـر=يومن شوفـك فيـه عيـد وطرابـه
مما تكن لـك نفوسنـا لـك نعبـر=نبدي لك الترحيب مـن خـف نابـه
في بيت اخوك النادر الحـر الاشقـر=سيفـك عضيـدك حـزة الاقترابـه
زعيـم قوتـك اللـذي لـو تفجـر=على العـدو خلـت ديـاره خرابـه
ولو تامره يمشي على الموت الأحمر=مشى على الموت الحمـر مايهابـه
(سلطان) عنه الحكي ياقف ويقصـر=غييث مطـر جـوده مغطـي ترابـه
و(سلطان) في دبرتك في كل محـور=وانـت ظلالـه لا تكـدر شـرابـه
لاجيـت ديوانـه تحـيّـر وتفـكـر=تشـوف ورد ٍ مثـل ورد اللهابــه
هـذا يجـي وارد وهـذاك يصـدر=جمع يـروح وجمـع تلفـي اركابـه
ومن راح منه الصبح يشكر ويذكـر=يذكـر جميـل ٍمايحسـب حسـابـه
عساه ديـوان ٍ علـى العـز يعمـر=حيثـه لاجـاه الضعيـف التجـابـه
هـذا ويامـولاي يالـراس الأكبـر=يا (ملـك نجـد) وملحقاتـه ومابـه
ياقايد الاسـلام فـي البحـر والبـر=فضلك على الاسلام ما ينحكـى بـه
لولاك بعض شعوب راحـت تدهـور=وصارت لعطران الشـوارب كسابـه
وعظامهـم تكسـر ولا عـاد تجبـر=تخضع تحـت راس العـدو للرقابـه
لاشك قلت امشوا على النور الاخضر=وارقيتهم روس العلى مـن هضابـه
بحزمك وتدبيرك ومـا كنـت تقـدر=ومالـك وطيبـك يامهـدي صعابـه
وانت الذي دايم على الطيـب تقـدر=ماقفك ميقـاف الشـرف والذرابـه
يا ابـو الجميـع وياملكنـا المظفـر=ياعز نجد ومن وطـى فـي ترابـه
لعل من جابـك لـه الذنـب يغفـر=دعوه عساهـا عنـد ربـي مجابـه
يامارثة (عبدالعزيـز) اخـو الأنـور=محطـم عـروش العـدى بالذوابـه
اعفى جوانـب نجـد لينـه اسفـر=وخلى الغنم والذيـب مثـل القرابـه
من سطوته شلـف النشامـا تكسّـر=يشهد (قصر عجلان) ممـا جرابـه
خاض الحروب المظلمه لينه أخطـر=وصفى الوطن والسيف ماجاء جرابه
ويوم انه أخذ (نجد) بالسيف ما أغتر=الديـن أعـزه والعـدو دق نـابـه
واغنى الفقارى اللي قبل تشرب المر=واكرم كريم الشعـب وادب صعابـه
ورحل وعقبه سد من كـان يحضـر=ما كن( ابو تركـي) توفـى جنابـه
(العـود) يومـه بـذر حبـه اثمـر=انجـب عيـال ٍ يخلصـون الطلابـه
سباع ٍ ليا من شافها الذيـب يجحـر=اسرع من الديبـان فـي الانقلابـه
والعمر لابـده ولـو طـال يقصـر=والغايب انته اليـوم رافـن غيابـه
ياعزنـا يـا ظلنـا قبـل نسـهـر=يادرعنا الظافي عـن أيـات اصابـه
عدلـت ثـم كملـت ماكـان يذكـر=من عدل كسرى اللي مشت به اركابه
والشعب في عهدك مكيّـف ومستـر=كلن مـن الخيـرات مالـن البابـه
ياحر لو ترقـى الكواكـب وتشهـر=قالوا شهر من طيب ساس وصلابـه
الساس مـن نـار ٍ تلظـى تدهمـر=معـرب الجديـن عـرب النسـابـه
اليا قلت فيك المدح ماهـوب منكـر=المدح سيف ٍ وانت قاضب انصابـه
(يالفيصلي) ياللي مساعيـك تشكـر=يا ابو العرب درع العرب في المجابه
يالعاهـل المعـروف بالكـر والفـر=واللـي مكذبنـي عليـه الاجـابـه
انتوا ملوك الأرض في كـل محضـر=وانتم سباع الغـاب سـاس النجابـه
أيمانكم فيهـا مـن الخيـر والشـر=هـل الشجاعـه والكـرم والمهابـه
ولولا الشجاعه ماظهر صيت عنتـر=ولولا الكرم ماجـاء لحاتـم حظابـه
ولولا اكبود الحوت ما صـار عنبـر=ولو لا العدل في الارض راحت خرابه
ولولا الفعل بالسيف شامـان الأبتـر=كان أصبحت نجـد العذيـه انهابـه
انتوا حميتوها مـن الشـر والحـر=ولا مثلكـم بعـد النبـي والصحابـه
تـمـت بـذكـر الله والله أكـبـر=وصلوا على المختار يا أهل اللبابـه

قصيدة شاعرنا في رثاء المغفور له بأذن الله الملـك فـهـد بــن عـبـد العـزيـز
ياعين هل الدمـع صـافٍ غزيـرا=مـن فجعـةٍ جتنـا سمعنـا نباهـا
تكسّـر العبـرات فـوق النظيـرا=يـوم الاذاعـة بثـت اول نـداهـا
نـداٍ يخلـي فكـر الامـه يحيـرا=ويكـدر العالـم ويزعـج هـواهـا
فجيعـةٍ فيهـا يحـيـر البصـيـرا=علـى جميـع المملكـة وصدقاهـا
ساعة سمعنا العلم حـاس المريـرا=ورتجـت العالـم وبيّـح خفـاهـا
تقول شعب المملكـة فـي حشيـرا=يومٍ بـه المرضـع تضيّـع نماهـا
الشعب كله فـي صيـاح وزفيـرا=يبكي ويبكون العـرب مـن وراهـا
في ساعـةٍ فيهـا النّفـس مايسيـرا=وعيون كـل الشعـب ينهـل ماهـا
مات الذي مثـل السـراج المنيـرا=سلطان نجد اللي عمرهـا وحماهـا
ابـو اليتامـى والعمـاء والفقيـرا=وابو الشعوب اللي رفـع مستواهـا
وابو صغير السـن وابـو الكبيـرا=وابو العروبه مـن شفاهـا إللفاهـا
خلا فقير الشعـب يلبـس حريـرا=ويعيـش عيشـه فالعمـر مانساهـا
هـو الفهـد مالـه سمّـيٍ خشيـرا=زعيم كـل العـرب رأس زعماهـا
وليا جاء على الاسلام شئٍ عسيـرا=تحيـر فيـه شعوبهـا وروسـاهـا
خـلا العسيـر بقـدرة الله يسيـرا=خلّـص مشاكلهـا وطمّـن عداهـا
وايضا وراء الشعب السعودي سهيرا=لابانـت الخلّـه عليـهـم رفـاهـا
لو أمدحه كبر السمـاء المستديـرا=وكثر النجوم وكثر الارض وحصاها
ما حصيت فيه خصاله اللي يديـرا=اللـي فعلهـا فالحيـاه وقضـاهـا
كـم دولـةٍ عمّـر بناهـا تعميـرا=عاشت إبفضله ونجحت فـي بناهـا
قبله وهي في هـول نكـر ونكيـرا=لينه عليهـا ارخـى يـده وحتماهـا
خلا دول الاسلام فـي كـل خيـرا=يصرف له اشياءٍ عند ربي جزاهـا
وكم واحـدٍ مظلـوم جالـه ثويـرا=ويديه مـن خيـرات ربـي ملاهـا
وخيله على الاصحاب ماهي تغيـرا=وإلا العـدا يلعـن لـك الله ثواهـا
حتى عـدّوه فالسمـاء لـو يطيـرا=في قـدرة الله نزّلـه مـن إعلاهـا
يخضع حدر رجله ضعيفٍ حقيـرا=يجـي مثـل صـدام فـي منتهاهـا
يومنـه أخطـأ دربـه المستنـيـرا=جمّجمّتـه بنعـول رجلـه وطاهـا
خلاه يرغـي عقـب ذاك الهديـرا=حتـى معالمـه الكبيـرة محـاهـا
خـلاه يرغـي كارغيـان البعيـرا=في غرفـةٍ فيهـا بلاهـا وجلاهـا
هذي فعول مظيـر الخصـم ظيـرا= فهد الفهود الليـث مقعـد صغاهـا
ويوم انتهت ماعـاد عنهـا مطيـرا=اقفـى عـن الدنيـا وخـلا غثاهـا
عساه فـي جـاه البشيـر النذيـرا=في جنة الفـردوس يسكـن ثراهـا
والشكـر للـرّب العزيـز القديـرا=والحمد له حيـث المصيبـه رفاهـا
قـاد السفينـه فـي محلـه خبيـرا=اللـي ليـا قـاد السفينـه قـداهـا
عبد الله اللـي مايخـون الضميـرا=تبشر بعـز المملكـة يـوم جاهـا
لعلّـهـا تنـعـم بحـكـة كثـيـرا=وسكانهـا عسـاه يكسـب رضاهـا
تصير فـي عهـده ربيـع وغديـرا=والشعـب يلقـى نعمـةٍ ماشراهـا
ولي عهده جعل ما أجلـه قصيـرا=الله يجيـره مـن مصايـب بلاهـا
القايـد الوجـه البشـوش السفيـرا=ريس ركـون المملكـة ووزراهـا
بجـاه رب البيـت مغـن الفقيـرا=وبجاه أبونـا ادم وموسـى وطاهـا
تعز الاسره مـن كبيـر وصغيـرا=والمملـكـة تعـزّهـا وتحمـاهـا
يالله يالـلـي للهبـايـب تـديــرا=يامنشئٍ مـن غـر الامـزان ماهـا
تحمى السعود من أي شـرٍ شريـرا=حيث انهم شجـرة يـذرّي ذراهـا
يعيـش حـدر ظلالهـا المستجيـرا=من صكته سمـر الليالـي نصاهـا
ال السعـود اللـي تعيـش الفقيـرا=لعـل ربـي مايـفـرّق عصـاهـا
وهـذا وصلـى الله وسلـم كثيـرا=علـى نبـيٍ كـل الامـه هـداهـا

قصيدة شاعرنا بمناسبة عودة الشيخ جابر الصباح من رحلته العلاجيه
فالسنه عيدين والثالث قـدوم الشيـخ جابـر=يوم عاد من المرض سالم على الديره واهلها
مرحبا عـداد مايـذّن علـى روس المنابـر=او عدد ماهلّت المزنـه مـن الماطـر هللها
فيك يانور الوطن واهل الوطن والكل خابـر=انّك العرق المغـذّي للبـلاد ومـن دهلهـا
جعل ربّن يبعـث اللـي ميّتينـن فالمقابـر=عنك يرفع صدمته وينـزّل الصحـه بدلهـا
ياحبيب الشعب كل الشعب متكـدّر وصابـر=من مرضك نفوسهم مرضا يشايلهـا زعلهـا
من ولاهم لك وحبك جعل شرّك عنك عابـر=تهتف امتّك الذي عدلك عـن الميلـه عدلهـا
لك محلّن فالقلوب من الصغار اليا الاكابـر=حيث وصّلت الوطن واهله حياتن ماوصلهـا
من يبا ينسا جميلك من جميع الشعـب ثابـر=وانت لولا الله ثم لولاك كان الشعـب اكلهـا
شلت عن شعبك احمول الظيم فأيّامن غوابـر=مايشيل الكايدات مـن الحمـول الا جملهـا
عشت ياشيخ البلاد اللي على الصكّات صابر=شايلن هم الجميـع وكـل صكّـه محتملهـا
يوم جتنا قـوّة اللـي معتـدي دقّ الاشابـر=واقفن في وجهها كالليـث ليـن الله خذلهـا
بالسياسه والصبر شلته مع المطـلاع دابـر=ثم رحل من فضل رب البيت ماكنـه نزلهـا
كن جيشـه ماتمركـز بالمهاجـع والعنابـر=قوّتن مثل الجـراد المنتشـر ربـي فشلهـا
التقت في جيش داس خشومها هي والصوابر=ضربتن يصبح بها الشايب ولد ظافن سبلهـا
يوم صار القصف والماص الحمر جاله تنابر=اعذر الطمّاع وايدينه عن الطمعـه غسلهـا
ثم غدا كبر الذبابـه عقـب تفتيـل العظابـر=قادها الله قود لين انه رمابـه فـي وحلهـا
في قيادتك الحكيمه عنـه سدّيـت المعابـر=مالقا دربن يعبره مع سهلهـا ومـع جبلهـا
عشت ياامير البلاد اللي بك الشعب امتجابر=راضي (ن) في دبرتك وعيون حسّاده كحلها
جعل نفسن ماتحبك مالهـا فـالارض قابـر=وان حصل يوم الحساب الله لايحسن عملهـا
قلتها من قلب مخلص ماقصد نتف الاوابـر=والسلام ختام وايـام الفنـا يـدرج عجلهـا

قصيدة بالله ياهل البيت لاتشلعونه
بالله ياهـل البيـت لاتشلعـونـه=خلوا عيوني من حبيبـي تـروى
ثـم لاتهوزونـه تبـا تضربونـه=جعل اليدين اللـي تطقـه تكـوى
جلده حريـرٍ لـو تبـا تلمسونـه=مثل النفل لو تلمسـه لمـس ذوى
غروٍ نياشين الغـلا فـي عيونـه=يضحك ويشرلي على القلب جوى
يقـول هـذا لـك ولايقربـونـه=وابو الذي يزعل بعشرين ضـوى
وانا مليك ارضاه ماجـوز دونـه=قلبي معه في يديه من حيث موى
حيث اني افهم ماخفى من ضنونه=وادري بقلبه مـن قديـم وتـوى
واخشى عليه من العرب ينضلونه=انا اشهد ان اللي مسويـه سـوى
نبنوب مـوزٍ مايـلات غصونـه=عرقه من الجم الـزلال يتقـوى
والخد بـراقٍ تكاشـف مزونـه=مثل المشاعل في مقاديـم نـوى
عنق الغـزال مخلعـاتٍ متونـه=والثوب من فوقه عليـه يتطـوى
في خاطري مافالبشر مثل لونـه=مما خلق ربي مـن ادم وحـوى
الله على من شد مجمـع قرونـه=واكنع عليه وفـي رقبتـه تلـوى

وهذه قصيدة أخرى لشاعرنا يا مرحبا ياللي لك القلب مفجوج
يامرحبا يااللي لـك القلـب مفجـوج =عـداد نسنـاس الهبايـب ليـا فــاج
حطيت ريع بوسـط القلـب هجهـوج=ياعيـن حـر بالخضيـرا لـيـا راج
حبك طفح بي طفحت السـاج بالمـوج=ماعاد لي عن حبـك اليـوم مخـراج
اودعتنـي لاشـرب ولاكـل ولادوج=ولاستطعم المنطوق مـن كـل هـراج
لاغبـت عنـي دق بـي كـل دالـوج=قامـت تواردنـي هواجيسـي ازراج
قلبي يجينـي نـوج واضيعـه نـوج=يجيه مـن فرقـاك سجـه وسوهـاج
كن البنات الشقر عنـدي مـن الهـوج=ماكن به غيـرك علـى الارض دواج
عندي جميع السن بنات العرب عـوج=الا لسانـك فيـه لـي طـب وعـلاج
في هرجتك شئ من السحر ممجـوج=والنور مـن غرتـك يطلـع وينبـاج
وليـا ضحكـت بذبـل مابهـا فلـوج=مثل البرد مـن مزنـة تلعـج العـاج
واغضيت في سودن بها السحر مدعوج=ترسل سهوم الموت من حجره افـواج
تنثـرن شقـر مثـل كاسـي الغـوج=تاصل اليا ردف كمـا حـزف ديبـاج
جاني بـلا فالقلـب يسوجنـي سـوج=يتلنـي يمـك لـك الـروح تنـعـاج
كني اليا شفتك علـى انهـار وبـروج=والاملك شعبٍ علـى راسـي التـاج
واليا بديت بضحك وهـروج واغنـوج=قلبي غدا زبده على صالـي الصـاج
او مير كني بين الاضـلاع مخجـوج=بشلفا مثـل شلفـا غنيـم بـن فـراج
غنيم بن شبـلان مخلـن لـه سـروج=ليا صاح في تالي الرمك راحت امراج
تبـا تخلينـي مـن العقـل ممـروج=على العمـر شامـان تدرجنـي ادراج
ياروح روحي كـان مامنـك منتـوج=خف الغلا لاعـاد تحرجنـي احـراج
خليتني يازيـن الاوصـاف محـروج=صليـت فيّـه شـرق ماعـاد يحتـاج
لـو قلـت سيـر وخـذ عندنـا روج=جيتك على الاقـدام ممشـى ودفـلاج
اجـي وانـا مبهـوج واروح مبهـوج=ليا حصل لي منك لـو رفـة احجـاج

قصيدة سبحان من سوى الاوادم من الحور
سبحان من سوى الاوادم من الحـور=انا اشهد ان الله هـو اللـي يسـوي
زولٍ خلق من نـور وبخدتـه نـور=نورٍ من الخالق ماهو نـور ضـوي
ادعج غنج خده بـه الملـح منثـور=تقـول بـدرٍ بـان بفتـوق نــوي
وعيون تذبح بالهـوى كـل منعـور=سودٍ مضاليلٍ علـى القلـب سـوي
نيشانهـن رمانـة القلـب ياسـرور=وحرابهـن مـن دم جوفـي تـروي
هو مسرفٍ فيه وانـا فيـه مجبـور=حبه ملـى قلبـي وجوفـي وجـوي
من زود حبه كن كـل البنـي عـور=لاغاب عنـي قمـت ادوج واهـوي
ابوجديل اشقر علـى المتـن منثـور=واهنـي مـن بيديـه فيـه متلـوي
ان كان شـدو يـم وسميـة الثـور=واحسرتـي لاقالـوا البيـت طـوي
وان مت من مركوز الانهاد معـذور=اللـي عليـه هالـزمـان متـكـوي
ولو هو عطاني صاحبي كبر الاظفور=قلت الدواء منك وعلـى الله بـروي

قصيدة الله من قلبٍ عوى عويت الذيب
الله من قلبٍ عوى عويت الذيب=ذيب عوى لجت ضلوعه ولجي
عليك ياراعي العيون المهاديب=سودٍ مضاليلٍ وساع ٍ وبجي
سودٍ تشذب بسرة القلب تشذيب=طحت بخطرهن يالله انك تنجي
سهومهن تسطي على القلب وتصيب=تخج صندوق المعاليق خجي
ياصاحبي حبك لقلبي عواقيب=ارفق علي شوي قبل استلجي
يا اللي عليك عيون الامه مراقيب=تقول بين شفاك درٍ يمجي
والخد براق المزون المهاضيب=اللي رعوده رجت القاع رجي
يامنوتي مافيه شك ولاريب=منساك كود انسى صيامي وحجي
يابو نهودٍ شلعن مقدم الجيب=كمشمشٍ عرقه من الماء ينجي
من فوقهن شقرٍ تغذى على الطيب=ريح الشمطري في طرفهن يعجي
ذيل اشقرٍ ينسف خلاف العراقيب=تطلب عياله بالمهر والترجي
هزه وزرفات السبايا جناديب=لوما شليل السبر والمال هجي
ذبحتني ياسيد كل الرعابيب=فجيت قلبي يأريش العين فجي
فجن مثل مظراب شلفاء تراحيب=شلفاءاً تخل الدم الاحمر يكجي
لا وردة من كف مرو المغاليب=والخيل كاسيها ضبابٍ وعجي
ياعاذل المشتاق مابالهوى عيب=ماذقت لذاته عسى امك تدجي
لو ذقت من حلوه ومره تجاريب=مالمت طراد البني الغنجي
نجل العيون مزعلات الخطاطيب=شعوٍ عذاب مقطعين الفرجي
لو يحصل ليديك فيهن مقاضيب=مالمتني في حبهن والتهجي
يم الحبيب اللي هروجه تعاجيب=ياعين لديله ويارجل سجي

قصيدة ياناس خلوني تراني تفجرت
يانـاس خلونـي ترانـي تفجـرت
ماطيعكم مير اقصروا الحكي عنـي
ياعاذلي كثـرت حكيـك وكـررت
نصـايـحٍ لاشــك مايقبـلـنـي
مهما حكيت وقلت واعلنت واسررت
اذانــي الثنتـيـن مايسمـعـنـي
انا بسكراتي من الحـب مافكـرت
وانته تبـي تشـره علـي تعذلنـي
لو يتهيا لي بوسط الفضـا طـرت
سويـت لـي جنحـانٍ يساعـدنـي
واليا بغيت اصل هوى البال سيرت
مـراكـز التفتـيـش مايمنعـنـي
اجيه لو اني على عمري اخطـرت
وربي اليـا منـه رحمنـي ظمنـي
ياصاحبي من زود حبك تدهـورت
منك الهمـوم الجايـرات اضهدنـي
نقلت حملٍ لو يحمل علـى الفـرت
شفته على الواحـد بحملـه يحنـي
عزرتبي يازين الاوصاف عـزرت
وانا بن عـمٍ لـك ومسلـم وسنـي
يحقلك ذبحـي لـو انـي تغيـرت
واليوم ذبحي وش تبـي فيـه منـي
اعطف علي شوي فـي ماتخيـرت
شـيٍ يخلـي خاطـري يرجهنـي
لو هو بشوفك بس منـاك لاسـرت
والا العلـوم الباقـيـة يقمحـنـي
يامورد الخدين من عمري اعـذرت
واسبابهـا سـودك اليـا سلهمنـي
هاك العيون اللي اليا شفتهن حـرت
تقـول فيهـن كهـربٍ يجذبـنـي
اليـا شفتهـن هللـت لله وكبـرت
اللـي مسويهـن وفيهـن فتـنـي

قصيدة مرت عليّه يوم عيد رمضاني
مرت عليَه يوم عيد رمضاني
نبنوبتن مثل الجنيه ادهشتني
قالت صباح الخير يامودماني
قلت الحياه ابغرتن صبحتني
اول سلام معاقبن باليماني
بصابعن مثل الذهب خامستني
قامت تبسملي بغر الثماني
حتى على الموت الحمر وردتني
تضحك بغرٍ كنها القحوياني
بشفيها ذوب العسل لو عطتني
في خدها الموت الحمر له غواني
بعيونها اللي ساحره كهربتني
اموت واحيا بين عشر الثواني
لارقرقة بعيونها واخزرتني
خزرة غلا في ضحكتن بغنجاني
منها حياةٍ لي وفيها اجرحتني
تظهر لي رموزن تحشر احشراني
فيهن نياشين المحبه دعتني
لا شفتها قلبي يروج اروجاني
وين اعرضت ليه وين انطحتني
لولاه تردعها الضلوع المحاني
كان الحياه مع العرب فارقتني

قصيدة الحب بلوى وأكثر النـاس بلـوى
الحب بلوى وأكثر النـاس بلـوى
وأنا دليلي يأهـل العـرف عينـي
القلب ماله في سميـره وسلـوى
لو أكثـر العالـم لهـن ميدينـي
مالي بعض الصيد عسـاه يلـوى
ما ينشرح له خاطري لو يجينـي
القلب شفه فـي عماهيـج علـوى
نجل العيـون مهلكـات الجنينـي
اللي مجاذبهن من طيـور شلـوى
مرويـن حـد مذلقـات العرينـي
لا جا الدلع يا بوش والحكي حلوى
لو كان قلبك مـن صفـاةٍ يلينـي
ملزوم قلبك يجزل اجزال دلـوى
لا جتك تمشـي تنعـط عطفتينـي
والرأس ذيل كروش ما جت بفلوى
شقـراً تكـم معيـلات القطينـي
لو قابلت لك في هـدوم سملـوى
تغنيـك عـن نزالـة المشرقينـي
قصيدة هلا هلا يأم العيون المظله
هلا … هلا يأم العيون المظلـه
اللـي بعينـي مالهـن حـلايـا
فيهن تقول طـراد خيـلٍ وسلـه
اما هـل الـردات والا الطنايـا
لا احذفو عـن المهـار الأجلـه
وردوا لبيـضٍ كنهـن الحنـايـا
ورداتهم تشفي القلـوب المغلـه
من غير حقرانٍ لباقـي النحايـا
يا بنت من ينطح وجيـه المهلـه
زيزوم عيـراتٍ ومقـدم سبايـا
مع دربه العيرات مثـل الأهلـه
دايـم سماريهـن تتالـى حفايـا
العذر منك اني فلا قلـت زلـه
لا طاب حظ مصورين الحكايـا
ما فيك ما ينقال فـي كـل ملـه
وعذروب أهلك يعدلون السرايـا
والزين فيك أحلا الوصايف مدله
مالك بغضـات الصبايـا تهايـا
شمسٍ على روس النوازي مطله
شعاعها يرسـل سهـوم المنايـا
لا بانت الغـره عليهـا اسـم الله
بأطرافها تقـل يتكاشـف مرايـا
مثـل البـروق بمزنـةٍ مستهلـه
توضي وكاسيها أشقرٍ له زوايـا
ما شفتهـا الا ساعـة مستزلـه
يوم العياد ويوم ذبـح الضحايـا
فالماقع اللي شافها النجـع كلـه
تلعب نهار العيـد بيـن الصبايـا
بحجاجها سيفٍ من الهنـد سلـه
تشرق وترهق موسعين الهوايـا
فأن كان هذا سب أنا راعي لـه
يا سيـد كـل مفلجـات الثنايـا
وانا ما أسب الناس طبعي جبلـه
لو كان أشوف الناس تمشي عرايا
إلا ليا جـاء شاعـرٍ فيـه خلـه
مضيـعٍ دربـه وعنـده نـوايـا
اعطيه علـمٍ ليـن دربـه يدلـه
واسنعه بالـي يسـوق المطايـا

زر الذهاب إلى الأعلى
إغلاق