أفضل قصائد الشاعر الكويتي بدر بورسلي

الكتاب والشعراء العرب لو إننا كل يوم تحدثنا عن واحد منهم لن ينتهوا ، وهذا دليل على أن الأرض العربية مليئة بالنماذج الأدبية الفريدة، كثيرا من الكتاب والشعراء زينوا الأدب العربي بأعمالهم الفريدة ، وهم بالفعل وجهة الثقافة والمعرفة العربية ، ومن بين هؤلاء النماذج المميزة الشاعر الكويتي المميز بدر بورسلي وهو الكاتب والإعلامي والشاعر الشهير، ويعد أشعاره من أفضل الأشعار التي كتبت والتي نقلت إلى المطربين لتصبح أفضل الأغاني العربية ، فمن ضمن من قاموا بالغناء بكلمات الشاعر بدر بورسلي، وهو المطرب محمد عبده وعبد الله الرويشد و نبيل شعيل وغيرهم من المطربين العرب والخليجين على حد الخصوص ، تعالوا بنا نرى بعض من ما قدمه الشاعر الكويتي بدر بورسلي خلال السطور التالية .

قصيدة أسألك والتي غناها المطرب عبد الله الرويشد

أسألك

أسألك .. تغير شي فيني

خفت اللهفة بعيني .. أسألك
ما تحس رعشة أيديني .. أسألك
خوفي يا خوفي .. انك تغيرت

آه .. لو تدري إذا شفتك شي يصير

امشي مدري .. اشلون امشي
ترتبك مني الخطاوي .. وما احس بالناس حولي
وما اشوف الا عيونك
لي صافحتك يميني .. ايدي اليسرى تغير
اتغير كيف .. وانت روح روحي
حتى لو انت جروحي .. كم انا عاشق جروحي .. اسألك

يا ربيعي .. يا شتاي .. الربيع وانت معاي

انت في بردي دفا .. يا غلا الدنيا ومناي
وسابق الخطوه اليك
وتخضر دنياي .. وانا مقبل عليك .. اسألك

قصيدة محتاج لها والتي غناها المطرب محمد عبده

محتاج لها
محتاج لها .. تروي حياتي بهمسها
هي الحياة .. بالنسبة لي
بحلوها و بمرها .. محتاج لها ..

لا شفتها ..

قلبي خفق .. وعمري نطق
رددت بنشوه اسمها
وآخذني فوق ..
هذا اللي خذيته منها ..
هذا اللي خذيته منها ..
امشي بشوق .. واحكي بشوق ..
واسكت بشوق ,,,
دايم أخايل رسمها ..
هي الحياة بالنسبة لي ..
بحلوها و بمرها .. محتاج لها ..
محتاج لها ..
تقول يا عمري .. تعال
وتاخذني في جنح الخيال ..
و أطير ..
من فرحتي أطير ..
ما ابغى شي ..
كافي علي كلمة .. احبك
بالعدال !
هي الحياة بالنسبة لي ..
بحلوها و بمرها .. محتاج لها

قصيدة الله يا خوفي والتي غناها المطرب نبيل شعيل

الله ياخوفي عليك .. الله يا خوفي
غالي بعمري ابيك .. واشيلك بيوفي
وانت مابين الناس .. وحدك نظيري
وغيرك ابد ماجاز .. فكري شعوري
من زود عشقي فيك .. الله .. الله
الله ياخوفي عليك ..

الله ياكل العمر .. الله .. الله .. لا تقطع الجيه

واليوم اللي ماتمر .. الله .. الله .. ما اعده مو ليه
وان غبت ساعه يالحبيب .. الفرحه عن عيني تغيب
وتسألني ليش .. ليش اخاف !
انت مراسي غربتي .. ولازم اخاف
من زود عشقي فيك .. الله .. الله
الله ياخوفي عليك ..

وياك .. وياك .. ياعمري الجديد

وياك .. وياك .. وين ماتروح .. وياك
القاك .. القاك في قلبي قريب
القاك .. القاك كل ما خفق القاك
وانت اللي من بد البشر .. يملك فؤادي لي نظر
وتسألني ليش .. ليش اخاف !
انت مراسي غربتي .. ولازم اخاف
من زود عشقي فيك .. الله .. الله
الله ياخوفي عليك ..

قصيدة أعترف لك والتي غناها عبد الكريم عبد القادر

اعترف لك بالليالي في غيابك سهرني
اعترف لك ما طرى لي من سوالف هيضني

الحزن رسم بعيني .. والقدر بينك وبيني

وانجبرت .. اعترف لك .. اعترفلك
وش حيلة المجبور
وش حيلة المجبور

عمري كان .. خطوات في درب الامان

والزمان .. ما كنت احس انا بزمان
انا .. انا اللي هدني السفر
انا .. جرح عيوني السهر
يومٍ .. يومٍ ضحك لي القدر
لقيتك في ثواني ..
طارت بي الفرحه طارت .. طارت .. مدري ليش
زانت لي الدنيا زانت .. زانت .. مدري ليش
آه .. تمنيت .. لو وقتي نساني .. نمنيت
وانجبرت .. اعترف لك .. اعترفلك
وش حيلة المجبور
وش حيلة المجبور

صدقيني .. ما تحسفت على يومٍ عرفتك

لو يردلي الوقت .. مثل ما كان .. احبك
هذا عمري .. ليش انا اندم عليه
هذا حظي .. دامه حظي راضي فيه
تعلمت يكفي ما تعلمت او تألمت مافيه الكفايه
وتوهمت .. في حبك توهمت

وتوعيت .. على قرب النهايه
وانجبرت .. اعترف لك .. اعترفلك
وش حيلة المجبور
وش حيلة المجبور

قصيدة مسحور والتي غناها المطرب عبد الله الرويشد

مسحـــــور ..

وأنتــي بعيــونك لــي وطـــن

وأنتــي المكـان وانتي الـزمن
الــي أحـــس فيــه بالأمــــان
ويــنك يـــاعمــري من زمـان
عـزفي وانا اللحــن المثيـــر
نـادي على دربـك أسيــــــر
مسحــور أنــا ..

ياجر قلبي جـر لـدن الغصونـي .. غصون سدر جرها السيل جرا

فـي مراسـي الشـــوق

أثــار وشــــواهــــد
مـاقط أخذ قلبي احـد
ماغيـــر واحـــــــد
والـواحد أنتـــي
ياسحـر ماله قـرار
وعيت على نفسي
أحبــك بختصــار
يا شـوق أخذني لفـوق وســافر
وراني دنيـــــا مالها أول وأخــر
عـزفي وانا اللحــن المثيـــر
نـادي على دربـك أسيــــــر
مسحــور أنــا ..

علـى الــذي مشـيـه تخـطـى بهـونـي .. وعصٌيـر مــن بـيـن الفريقـيـن مــرا

ليـله وتغيـــر كل شـــي

غيــرتي تفكـــيري
ليـله واثــرتي عــلي
صــرتي مقــاديري
وانا تغيــــرت
لقيـتج بصـــوتي
بهمسي بسكـوتي
ياصوتي المجــروح
وجــروحه دفـــا
يارعشة الأشــواق
في لحــظة وفــا
صحيت انا ..
لا ماصحيـت ..
مسحـــور ..
أشوف أنا ..
لا ما أشوف ..
انتـي الغنـــاوي كــلــها ..
وحكــي الــحروف ..
عـزفي وانا اللحــن المثيـــر
نـادي على دربـك أسيــــــر
مسحــور أنــا ..

ياليتـهـم عــن حـاجـتـي سايـلـونـي .. يـاكود انا اخـلي الحــيا واتـجرئ

الوسوم :

شارك المقال في صفحاتك

معلومات الكاتب

Avatar

الصدق مبدأ .. ومنهج حياة

(1) Reader Comment

  1. Avatar
    عزة عبد الجواد
    2017-09-11 at 02:25

    ارجو تنزيل كلمات الشاعر التي غناها الفنان فيصل الفرج في البوم سيدي

أكتب تعليق

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *