كلمات شيلة حط الجمر على الجمر

تعتبر الشيلة فن خليجي، وبالتحديد سعودي، وتختلف الشيلة عن الاغاني اختلاف تام، ولم يرد نص شرعي للحكم بخصوصها لكن يرجع الحكم فيها لقواعد الشرع، فعندما تكون خالية عن المعازف فلا تدخل في المنهي عنه شرعا، وإن كان سماعها أو أداؤها بآلات الطرب فحكمها حكم الغناء، وإن كان بغير ذلك فلا بأس بها إلا لسبب يخالف الشرع .

شيلة حط الجمر اداء راجح الحارثي كلمات معيض الحارثي

ماتشوفني اجي وأمر
حط الجمر على الجمر
تكفى أبي شاهي جمر
ياللي على جنب الرصيف
اموت من جمر الغضا
وأبيه يحرقني رضا
معاك ياوسع الفضا
في صيف والا في خريف
صبه بكاسه وانعشه
وابنفاس عطرك نعنشه
ياللي بعينك تربشه
ياسيدي مالك وصيف
ياحظ من عندك وقف
اروح بالشارع وألف
وأشريك لو أخذ سلف
تكفون ابي شاهي خفيف
ياللي على جنب الطريق
بالله خذني لك رفيق
بلاك انا صدري يضيق
انا كذا لاتقول كيف
شاهي لكنه غير غير
صبه وناظر وش يصير
ودي من اشواقي اطير
وليف يبحث عن وليف
غالي ولا غيره غلا
شاهي جمر كله حلا
اما اهو والا فلا
انا على قربه حسيف
الله يازينه لاحترق
ثقيل وبزينه فرق
يشرق به اللي ماشرق
ومن يشربه يزداد كيف
بالهون ياراعي الحطب
يطيش لا زاد اللهب
الكيف نوع من الطرب
قلبي من الفرقا كسيف .

شيلات خليجية

شيلة اسأل المشتاق لبدر العزي كلمات الشاعر معاند الجرح

ليت حبك ف الحشا عابر سبيل
كان قلبي طاعني بحكاي له
و ليت فقدك دمعة اعيون و تسيل
فقدك أكبر من دموعٍ سايله
اسال المشتاق وش يعني الرحيل
يوم شمسك ل الموادع مايله
ياشذا وردٍ على غصونه يميل
يابطى غيمٍ يشوق امخايله
ما انت في عيني ولا قلبي قليل
ما حدٍ غيرك بعيني شايله
هذي الفرقا خذت كل الحصيل
والله اللي لاقضى شكواي إله
ماحيت إلا على الوصل الجميل
ولا ذبحني إلا الظروف الحايله
ودي اب كلمة رجا تشفي الغليل
تقصر اللي في خفوقي طايله
الحزن يقتضني واقتض ليل
كم سهرت وكم سريت احايله
يا حبيبي والله انه مستحيل
اني انسى حبك و عمايله
عزي ل حالي وانا بالي طويل
هذا هو حبك و ذي فعايله
لاقوى متنٍ على الحمل الثقيل
مايطيح الحمل غير بشايله .

شيلة وين انت لبدر العزي و غريب ال مخلص كلمات الشاعر هادي بن هدفة

ابطيت ما جاني خبر
والشوق في صدري كبر
ما عاد في قلبي صبر
وين انت عني ي الحبيب
اسهر الى قبل الشروق
و اغفى على طيفك وفوق
قلبي على وصلك شفوق
حالي من الفرقا صويب
يسقى علينا قبل عام
من بيننا حب وغرام
متبادلين الاهتمام
للعين في شوفك نصيب
ريم الفلا منك يغار
خذيت شكله بختصار
العنق والخصر الضمار
فتنه ولك عقلٍ لبيب
اعيونك الحور الوساع
لاشافها قلب الشجاع
ايروح منها في ضياع
ما عاد ينفعه الطبيب
اطلب من المولا عسا
اواجهك صبح و مسا
حتى لو ان قلبك قسا
ياحظ من هو لك قريب
شوقي مدهور حالتي
والخد عاف وسادتي
والنفس تدرا هامتي
انا من الفرقا غريب
اهواك وهواء طيبتك
تعال عوض غيبتك
وحفظ بقايا هيبتك
فيك الامل ماهو تخيب
ماهمنا حكي العرب
ولاشكوك اهل الطرب
وامن الردى مانقترب
حب النقا مافيه عيب
العمر يمضي والسنين
ماترحم القلب الحزين
والله على الفرقا يعين
بصبر عسى قلبي يطيب .

شيلة وينك لحمد الراشد كلمات الشاعر احمد الثويني

وينك وين وينك وينك وين
يا واهس الشوق وينك وين
يزداد شوقك مع الثلثين
ان كان منته معي
وش فايدة داعج العينين لا صار ضدي وانا ضده
قلب ما يسكنه قلبين وشلون تقواه و تحده
كنت احسبنك معه بتلين واثر الهوى
خليت قلبي معك الين نويت تجرحه و تهده
مسكين يا قلبي
الكل يلعب على الحبل
يا زين لا تخلف الروتين حبي معك واصلن حده .

شيلة نسناس الهوى لفلاح المسردي كلمات الشاعر حسن العاطفي

هب نسناس الهوى اللي من مهبه
كر جمر الشوق واحرقني لهيبه
والبلا ان الجمر في قلبي مشبه
وقلبي شب ب كل ضلعن يحتمي به
ياهل العشق الحقيقي والمحبه
لاحدن عندي يطري لي حبيبه
خافو الله فيني وفي اللي احبه
وادعو الله يا عسى ربي يجيبه
وبشروني عنه قولوا لي ياربه
ما نسى اللي ما نساه ومكتفي به
والله أنه جرح قلبي وانه طبه
ولجله اتهون الكليفه والصعيبه
في غيابه كل يوم يزود حبه
وكل يوم أصون حبه واعتني به
والوفى له والغلا له والمحبه
جعل يسقى يوم اشوفه والتقي به
علموا اللي فالوصل ما خاف ربه
المفارق موت وجروحه عطيبه
اسالوا من فارق أغلى من يحبه
وصار دمعه عادي ونفسه كئيبه
وانت يالي من فراقك صرت أسبه
شف عيوني شف محاجرها شحيبه
انت قلبك مثل قلبي والا صبه
لعنبو ذا القلب وش عادك تبيبه
حس والا حن فاللي ما يشبه
من وفاه وفي غلاه وكل طيبه
وان نويت تروح عادي من احبه
من احبه والله أني ماهتني به
المشاعر ما تموت بدون سبه
والخواطر ما تجبر بالغصيبه
وكبرياء النفس ما بين الاحبه
اول اسباب الجفاء واكبر مصيبه .

الوسوم :
الوسوم المشابهة : , ,

شارك المقال في صفحاتك

معلومات الكاتب

Avatar

أكتب تعليق

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *