كلمات شيلة زيد يالهاجوس

تختلف الشيلة عن الموال والغناء فالموال تكثر فيه أحرف المد، ويكون أقرب للغة العادية مع كثرة المد، أما الغناء فيكون بالآلات الموسيقية، والشيلة أقرب للغناء ويستخدم فيها ألحان غنائية بدون المعازف .

شيلة زيد يالهاجوس

اداء – حاكم الشيباني و حاتم الشاطري

زيد يالهاجوس هذا الوقت ليه ..
شاعرك يضرب دروب المهميه ..
شوش ياراسي على اللحن الحماسي ..
وغن ياحاتم بالالحان القويه ..
الوطن تنزف على شانه دمانا ..
الشجاعه طبع في النفس الأبيه ..
يابلادي واصلي والله معاكي ..
كلنا ياموطني لجلك ضحيّه ..
رددي اللهُ أكبر يابلادي ..
كلنا جيناك ماخفنا المنيه ..
رددي اللهُ أكبر لايهمّك ..
ديننا الدافع وحبك والحميه ..
يابلادي كلنا نحمي ترابك ..
كلنا وأرواحنا لجلك هديّه ..
الحروب هي دربنا يم المعالي ..
بالفعايل ماطلبناها عطيه ..
غطرفي حنا حماة الدين حنا ..
ماتركنا لأهلنا غير الوصيّه ..
مالنا وأنفاسنا وأرواحنا لك ..
طايره في الجو وأرضك مدفعيه ..
في الطلب جيناك في الصف الامامي ..
حزّةٍ يعذر خويٍ في خويَه ..
كلنا كلمة رجل واحد محنّك ..
ضابط الميدان وأفراد السريّه ..
من يعاديك أبشري حنا عدوّه ..
درع ثابت والبنادق في يديّه ..
ياوطنا لا انكشف ستر العذارى ..
والله انّا ما رضينا بالسويه ..
السلامه في بعض الاحيان اهانه ..
والعدو مابين ذيك وبين ذيّه ..
يشتري سلامته ويصد عنا ..
أو يجي ويطيح في النار اللظيه ..
ياوطنا لاتفكّر في عدوك ..
المسمى ماعلينا من سميه ..
ديننا لامن ومرنا ماعصينا ..
إعتبرنا مهبل بحبّك كذيه ..
مشكلتنا مهبل مهبل مهبل ..
لادعانا الموت فينا جاهليّه ..
طبعنا يوم التحدي والعنادي ..
صبّة القومان صبّة شاذليه  .

كلمات شيلات متنوعة

شيلة خط المدينه إلا يا حسرتي لعلي بن مهران

هنوف كن عينه يوم سلهم .. تقول ان نظرة عيونه تسلم
وهو سلهم بعينه ما تكلم .. اجل وشلون حالي لا سمع حكاه
قسم بالله لا جاء الجد لو ان محدن بحاديني
يا جعله فدوتةٍ للي عشقته خمسة سنيني
على شاص قراطيسه وكاله .. ليا من فز ما تبغي بداله
يا حي اللي شراه و حي فاله .. جسور يقطع الفرجات ممشاه
تعداني على خط المدينه .. يسوقه جاهل على يمينه
هنوف سلهمت رمشه وعينه .. تتل القلب من قاصيه لادناه
الا يا ليتني ليتاه مخاويه و مخاويني
على اللي وارد توه على التمرين ويميني
اشوف مبرقعٍ رمشه ظلاله فوق متريني
وايلا من طالت الطرقه ألا حيه و يلا حينيالا
يا حسرتي با موت و اعرف .. بو جهة سايق الشاص المرفرف
شلع قلبي معه وإيجور و اسرف .. يا حظ اللي يسوق الجيب حظاه
هنوف كن عينه يوم سلهم .. تقول ان نظرة عيونه تسلم
وهو سلهم بعينه ما تكلم .. اجل وشلون حالي لا سمع حكاه
قسم بالله لا جاء الجد لو ان محدن بحاديني
يا جعله فدوتةٍ للي عشقته خمسة سنيني
وليف ما اهقى واظن به ازين منه في عيني
هو اللي ياخذ النخبه على الزينين بالزيني
سلام الله عليه و ياسلامي .. على قلب غرامه من غرامي
هو اول شي عندي واهتمامي .. وهو اول من عشقته واتمناه
مشاعر شاعره عنده رقيقه .. من احساس وهواجيس عميقه
ماهيب اتعد له غير الحقيقه .. تلبيه ان دعاها و اتفداه
حنيني و القصايد له شطر بيت ببيتيني
وايلا مني فنيت ومت قصيدي فيه محيني
الا ياحبني له حب من اول لين ذلحيني
من اسبابه و لعيونه قصيدي له محبيني
اسج الرجل صوبه و اتعنا .. مع طيف يجي منا و منا
يذكرني بوقتن فيه كنا .. ماندري وقتنا وشهي خفاياه
يدور الوقت وتدور الليالي .. و مهما دارت الايام غالي
مابي غيره ولا يبغي بدالي .. و لا ينسى الغلا و الا يتناساه
ياسلوة خاطري تكفى عناوينك عناويني
انا باقي على و عدي تعال و صافح ايديني
تعال و خل عاذلنا يشوف الضيم والشيني
يموت بغبنته لا شاف غرام يجمع اثنيني .

شيلة كيف ابدفى لصالح بن نعير

كيف ابدفى .. وبرد الشوق يذبحني وله
ليه تجفى .. يا اخر حب قلبي واوله
وانت اللي ملك روحي غرامه
وحبه حط في قلبي علامه
وصابتني من الفرقا سهامه
وانادي له من الاوجاع تكفا كيف بدفا
اشتاق لك وانت تدري حبك بقلبي كبير
لو تدري الشوق في قلب المولع يقلته
انت الاماني والهوى والحب الاول والاخير
والشوق في قلبي يحن من اخره لين اوله
طال بعدك .. يمر اليوم بغيابك سنه
ليه صدك .. وعيني في وصالك مدمنه
اشوفك طيف في كل الاماكن
وشوقي في حنايا القلب ماكن
وجودك نور في عمري ولكن
من غيابك حياتي منك تطفا كيف بدفا
انا الحبيب اللي على درب المحبّه مستخير
و انت الحبيب اللي على درب المحبّه حصّله
اقول للعالم بخير و حالتي ما هي بخير
باب الوصل قفل بعد ما كان قلبي يدهله
انت عمري .. وروحي فيك تحيا ياهوى
ليت تدري .. وجودك يابعد حالي دوى
ي شوق الخاطر وغاية طموحه
ي بلسم خافقي ياروح روحه
وقلبن لو يعاني من جروحه
اذا شافك من الاعواق يشفا كيف ابدفا
اشتاق لك وانت تدري حبك بقلبي كبير
لو تدري الشوق في قلب المولع يقلته
انا الحبيب اللي على درب المحبّه مستخير
و انت الحبيب اللي على درب المحبّه حصّله
اقول للعالم بخير و حالتي ما هي بخير
باب الوصل قفل بعد ما كان قلبي يدهله .

الوسوم :

شارك المقال في صفحاتك

معلومات الكاتب

ريهام عبد الناصر

يوماً ما ستكون لي بصمة يكتب عنها التاريخ وتتناقلها الاجيال

أكتب تعليق

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *